admin 
प्रेरक उत्तराखंडौ वैज्ञानिक जीवन व वैज्ञानिक शोध कहानियां श्रृंखला
300 से बिंडी गढ़वळि कथा रचयिता : भीष्म कुकरेती (MSc (Botany )
डाक्टर दिनेश कुमार असवाल परमाणु वैज्ञानिक छन।
दिनेश कुमार असवाल को जन्म ३० जून १९६५ कुण ग्राम मिर्चोड़ा , असवालस्यूं पौड़ी गढ़वाल म ह्वे।
दिनेश कुमार असवाल न इंटरमीडिएट परीक्षा नाराइन बगड़ चमोली से पास कार।
दिनेश कुमार असवाल न बीएससी अर एमएससी डिग्री हेमवती नंदन बहुगुणा गढ़वाल विश्व विद्यालय , श्रीगर बिटेन अर्जित कार।
दिनेश कुमार असवाल न पीएचडी उपाधि मुंबई विश्व विद्यालय बिटेन प्राप्त कार।
डाक्टर दिनेश कुमार असवाल न पोस्ट डायरेक्टोरियल डिग्री शिज़ुओका यूनिवर्सिटी, जापान से प्राप्त कार।
शुरू से ही डाक्टर दिनेश कुमार असवाल पढ़ाकू विद्यार्थी छा जु ढब आज बि च।
डाक्टर दिनेश असवाल तैं बीएआरसी (BARC ) म नियुक्ति मील अर तख से भौत सा पदों क उत्तरदायित्व संबाळ। बीएआरसी क अतिरिक्त डाक्टर दिनेश असवाल CESR अर NPL म निदेशक पद बि सबाळ।
मृदु भाषी , मातृभूमि प्रेमी , गढ़वळि भाषा प्रेमी डाक्टर दिनेश कुमार बीएआरसी म ‘ोउस्टैंग साइंटिस्ट ‘ की गणत म आंदन।
अंतर्राष्ट्रीय ख्याति प्राप्त वैज्ञानिक डाक्टर दिनेश असवाल न 12 पुस्तक (मेट्रोलॉजी फॉर इन्क्लुजिव ग्रोथ फॉर इण्डिया समेत ) संपादित करिन।
50 प्रकाशित पुस्तकों कुण चैप्टर अध्याय लेखिन।
500 लगभग वैज्ञानिक लेख जोउर्नल्स म प्रकाशित छन।
डाक्टर असवाल न 9 अन्वेषण /शोध पेटेंट करवा यां छन
डाक्टर दिनेश कुमार असवाल न 15 पीएचडी छात्रों क मार्गदर्शन कार।
विज्ञान संस्थानों म प्रशासन हेतु डाक्टर दिनेश कुमार असवाल को ‘असवाल मॉडल ‘ तेन मान्यता मिलीं च।
स्टैनफोर्ड विश्व विद्यालय क 2 % टॉप वैज्ञानिकों मध्य डाक्टर दिनेश असवाल छन जो एक महत्वपूर्ण प्रशंसा च।
.
डाक्टर असवाल से अबि भारत तेन भौत बड़ी आशा च नया शोधों की।
