आड़ू वृक्ष की लोक कथा 

   आड़ू वृक्ष तै वियतनाम म पवित्र वृक्ष मने  जांद।  यांक  पैथर  तौळै  कथा प्रसिद्द च –

 भौत वर्षों पैलाकि  छ्वीं छन।  एक पर्वत क टुक्क म द्वी मनिख भलाई करण वळी  पारी आड़ू  वृक्ष म रौंद छा।  यूं देव सामान परियों से दैंत या दुष्टात्मा भय  खांद  छ अर  आड़ू वृक्ष क हलण -डुलण  से भि  भय खांद छा।  पर्वत का निकट सब नागरिक दैंतों क भय से दूर छ अर  कारण  छौ पर्वत म आड़ू म रण वळी  द्वी परी।  परइ गाँव वळो रक्षक छा।

    परियों तै नया वर्ष म प्रतिवर्ष स्वर्ग क सम्राट म जाण  पोडद छौ।  परियों तै शंका ह्वे कि  जु हमारी अनुपस्थिति म दैंत नागरिकों तै सताला तो बड़ी हानि ह्वे जाली।  अर   ह्वे  बि  इनि  छौ।  परियों क अनुपस्थिति म दैंत  गाँव म भय व दुःख पौंछे दींदा छा।

  तो परियों न गाँव वळों तै सलाह दे कि प्रत्येक मवस अपर घर न्याड़ आड़ू वृक्ष लगाई द्यावन अर  अपर घर आड़ू की टहनी से सजै द्यावन ।  जो वृक्ष नि उगै साकन  वो अपर घर क दीवार व द्वार पर आड़ू टहनी लगाई द्यावंन।

 लोक इनि  करण  मिसे  गेन।  आड़ू की टहनी हलद -डुलद  देखि दैंत समजदा छ कि   पारी आड़ू वृक्ष तै हलाणा -डुलाणा  छन वो लोगों क न्याड़ -ध्वार  नि  आंद  छा।

    तब से वियतनाम म आड़ू वृक्ष तै दैंत को छाया से दूर  रखणो माध्यम मने गे  जो आज बि च।