गेंहू क्रांति जनक दिलबाग सिंह अठवाल 

 डाक्टर दिलबाग सिंह अठवाल तैं  गेंहू क्रांति जनक बुले जांद। डाक्टर दिलबाग सिंह अठवाल  का जन्म कल्याण गाँव  लायलपुर (पाकिस्तान ) म 12 अक्टूबर 1928 म ह्वे  छौ।  1947  म यूंको परिवार भारत पंजाब ऐ  गे छौ।

1948 म पंजाब विश्व विद्यालय से डाक्टर दिलबाग सिंह अठवाल कृषि विज्ञान म स्नातक डिग्री प्राप्त कार।  यांक  उपरान्त डाक्टर अठवाल पंजाब शसन क अंतर्गत बाजरा प्रजनन विभाग म सेवारत ह्वे  गेन।  अगनै अध्ययन वास्ता डाक्टर दिलबाग सिंह सिडनी चल गेन व तख सिडनी यूनिवर्सिटी बिटेन 1955 म तौंन ‘जनेटिक्स अर  प्लांट ब्रीडिंग ‘ म पीएचडी डिग्री प्राप्त कार।

   1955 म डाकर सिंह पंजाब कृषि विश्व विद्यालय म प्लांट ब्रीडिंग विभाग का प्रमुख हेतु नियुक्त ह्वेन।

   अठवाल को जेनेटिक्स कार्य से भारतीय किसानों तै नई किस्म उत्पादक किस्म का बीज उपलब्ध ह्वेन  जो किसानों की पैदावर वृद्धि म सहयक  ह्वेन।

   1967 म डाक्टर दिलबाग सिंह अठवाल   अंतर्राष्ट्रीय चावल अनुसंधान संस्थान (IRRI ) से जुड़ गेन।

    डाक्टर दिलबाग सिंह अठवाल  का कुछ अनुसंधान कार्य :

पंजाब विश्व विद्यालय म बाजरा प्रजनन कार्य म डाक्टर अठवाल न LB 1  हाइब्रिड बाजरा की किस्म पैदा कार जैन  भारत की बाजरा पैदावार 3 मिलियन टन  से 8  मिलियन टन  तक वृद्धि कर दे।

  डाक्टर दिलबाग सिंह अठवाल  तै मैक्सिको क गेंहू क उपभेदों से नई गेंहू की किस्म विकसित हेतु जणे  जयांद।

डाक्टर दिलबाग सिंह न  द्वी गेंहू किस्म   लरमा रोजा 64  अर पीवी 18  म मिलौट  जेनेटिक्स विधि से कल्याण सोना 227 त्यार कार. कल्याण डाक्टर सिंह क गाँव क नाम छौ।  ये गेंहू न पैदावार व दिख्यांण  दर्शन म क्रान्ति ही कर दे।   1970 क दशक म कल्याण सोना क पैदावार से भारत म गेंहू क भंडार भरेण  शुरू ह्वे  अर  भारत गेंहू पैदावार म आत्म निर्भर ही ना अपितु निर्यात करण लैक  देस बि बण  गे।  डाक्टर अठवाल न ये कार्य म नावेल पुरूस्कार प्राप्त करता नॉर्मन बोरलॉग की भी सहायता ले छे या दगड़ कार्य कार।

1964 म डाक्टर दिलबाग सिंह तैं  शान्ति स्वरूप भटनागर पुरुष्कार मील

1975 म भारत सरकार न डाक्टर सिंह तैं  पदम भूषण पुरूस्कार दे।

डाक्टर दिलबाग सिंह अठवाल  को देहावसान 14 मई 2017 कुण  न्यू जर्सी यूएसए म ह्वे।