admin 
मोदक पकाणो पाक विधि
गैर उत्तराखंड पारम्परिक भोजन पाक विधि श्रृंखला
सर्यूळ -भीष्म कुकरेती
मोदक अर्थात लड्डू। मोदक महारष्ट्र म गणेश चतुर्थी उत्सव समय भौत उपयोग हूंद। ये समय लोक मोदक घर म इ पकाण पसंद करदन। आज मुंबई व महाराष्ट्र म उत्तराखंडी गणेश उत्सव हेतु गणेश मूर्ति घर म लांदन तो अब उत्तराखंडी मोदक बि घर म पकाण लग गेन।
जरा दिखे जाव मोदक कन पकाये जान्दन –
समान –
भैरक संरचना हेतु
मिठ आटु
चौंळ आटो – १ कप
पाणि
घी
भरणो समान
कद्दू कस करयूं नरयूळ – १ कप
कद्दू कस कर्युं गुड़
जायफल एक चुंगट
केसर – १ चुंगट
एक पैन गरम कौरि तैम कद्दूकस करयूं नरयूळ अर गुड़ डाळो
पांच मिनट पकणो उपरान्त तैमा जायफल व केसर डाळो
पुनः पांच मिनट पकावो
द्वी आटु म हळको गरम पाणि मिलैक गूँदो। अब लोई बणएक हळको दबाओ अर फूल जन बणावो तब तैक पुचक भरवां भरो अर आटो तेन बंद कारो जन फ़ोल बंद ह्वे गे हो।
अब यूं भर्यां फूलों संरचना तेन भाप इनि पकावो जन इडली पकाये जांद। हाँ गरम पाणि म घी अवश्य डाळो। १० – १५ मिनट म त्यार। भगवन तैं परोसो, खावो अर खलावो।
