admin 
अंडौं बान क्या क्या हूंद (ननि नाटिका, skit )
–
(ननि ननि नाटिका, skit श्रृंखला)
–
नौटंकी – भीष्म कुकरेती
–
पात्र
बुबा
नौनु
डाक्टर
स्थल – डाक्टर क क्लिनिक
–
बुबा (डाक्टर से ) – क्या ह्वे ह्वालु म्यार नौन तैं ?
डाक्टर (बुबा से ) – बड़ी आश्चर्य जनक समस्या च अजाणि सि … कुक कुख
बुबा – क्या ?
डाक्टर – यु नौनु सुचद कि वु कुखुड़ च वास्तव म कुखड़ि !
बुबा -कुखड़ी ?
डाक्टर – हां कुखड़ी।
बुबा -ये मेरी ब्वे !
डाक्टर – तबि त यु कुड़कुड़ाणु रौंद।
बुबा – हूं !
डाक्टर – अच्छा सुणौ ! कथगा वर्षों से च या समस्या ?
बुबा – लघभग पिछले दस वर्षों से।
डाक्टर – हैं ? डीआरएस वर्षों से ?
बुबा – हां
डाक्टर – तो तै तै पैल किलै नि लाया मीम ?
बुबा – हम तैं अंडों की महत्ती आवश्यकता जि छे।
