हरित क्रान्ति वैज्ञानिक  भारतरत्न  मनकोम्बु सांबशिवन स्वामीनाथन 

प्रेरक वैज्ञानिक जीवन व वैज्ञानिक शोध  कहानियां   श्रृंखला  

              एम ऐस स्वामीनाथन  एक अनुवांशिकीविद , पादप प्रजन्न शास्त्री , प्रकाशसक अर  मावतावादी छा।  एम ऐस स्वामीनाथन हरित क्रान्ति वैश्विकवैज्ञानिक नेता छा।  भारत क्या एशिया म ग्युं -चौंळ की उपज वृद्धि म एम ऐस स्वामीनाथन को महत्वपूर्ण योगदान च। भारत एक समय ग्युं -चौळौ  आयतक छौ आज निर्यातक च तो हरित क्रान्ति वैज्ञानिक एम ऐस स्वामीनाथन अर दिलबाग सिंह अठवाल जन वैज्ञानिकों हथ च।

    एम ऐस स्वामीनाथन को जन्म मद्रास प्रेसिडेंसी क कुम्भकोणम, तंजौर जनपद  म ७ 7 अगस्त 1925 म ह्वे। स्वामीनाथन केरल के प्रवासी थे। इलै  एम ऐस स्वामीनाथन अपर नाम क संग मनकोम्बु  लगांदा  छा।

          बचपन म एम ऐस स्वामीनाथन क सर्जन पिताजी क मृत्यु ह्वे  गे  छौ अर ऊंक  चचा न पालन पोषण कार।

    एम ऐस स्वामीनाथन की प्रारम्भिक शिक्षा स्थानीय स्कुल म ह्वे।

महाराजा कॉलेज ,त्रिवेंद्रम केरल बिटेन प्राणीशास्त्र म स्नातक उपाधि अर्जित कार।  भारत म अकाळ स्थिति से दुखी व्हेक एम ऐस स्वामीनाथन कृषि ओर बढ़ अर  तौंन  1940 -44  तक मद्रास कृषि महाविद्यालय से कृषि विज्ञान म स्नातक की उपाधि अर्जित कार।

1947 म स्वामीनाथन आनुवंशिकी अर  पादप प्रजनन अध्ययन हेतु भारतीय कृषि अनुशंधान संस्थान दिल्ली ऐन।  1949 म स्वामीनाथन न साइटोजेनेटिक्स से स्नाकोत्तर की उपाधि अर्जित कार।  शोध क विषय छौ ‘ आलू पर जेनेटिकल शोध।  ये समय पर स्वामीनाथन प्रशासनिक सेवा क परीक्षा पास कार अर IPS सेवा  हेतु चयन ह्वे।  ये ही समय नीदरलैंड म यूनेस्को की फेलोशिप म आनुवांशिकी शोध को अवसर बि मील।  एम ऐस स्वामीनाथन न आनुवांशिकी चयन कार।

   हॉलैंड म शोध

 आठ मैना तक नीदरलैंड म वेगेनिगन विश्व विद्यालय आलू आनुवांशिकी पर शोध कार। वेनेगेन  यूनिवर्सिटी न बाद म बि  भारत म खाद्यान शोध तै प्रभावित कार।   ये समय स्वामीनाथन जर्मनी बि  गेन।

ब्रिटेन

कैम्ब्रिक विश्व विद्यालय   से ‘प्रजाति विभेदन अर जींस सोलेनम ‘ शोध पर पिछड़ी उपाधि प्राप्त कार।

  अमेरिका

यांक उपरान्त आलू  जनेटिक्स पर शोध हेतु 15  मैना अमेरिका म बिताइन (दिसंबर 1953  तक )।  नोबल पुरूस्कार प्राप्तकर्ता जे लेडरवर्ग क दगड़ /तहत कार्य कार।

    1954 म सि  भारत ऐन  अर कुछ समय उपरान्त कटक म केंद्रीय चावल अनुशंधान संस्थान म सहायक वनस्पति शास्त्री रूप म कार्य कार।  चावल अनुसंधान क कार्य न बाद म ग्युं अनुसंधान म काम आयी।

    अक्टूबर 1954 म स्वामीनाथन तै कृषि अनुसंधान संस्थान म सहायक साइटों जेनेसिस्ट  रूप म नियुक्ति मील।  अकालग्रस्त भारत क गेंहू आयात क्रियाकलाप की आलोचना करदा  छा। (वो देस म अनाज उत्पाद वृद्धि क समर्थक छा इलै)।

   स्वामीनाथन अर नॉर्मन बोरलौंग न आपस म सहयोग कार।  एक भूखडं म मैक्सिकन बौनी किस्म की पैदावार कार।  यु अनुसंधान सफल छौ।  उत्पाद उच्च उत्पादकशील , रोग मुक्त अर भल गुणवत्ता क छा।  किसान झिझकणा छा।  तो अलग भूखंड म ग्युं की नई किस्म क प्रदर्शन करे गे  अर अच्छा फल मील व तब किसानों न ग्युं की नई किस्म स्वीकृत कार।

1970  म नॉर्मन बोरलॉग  तै नोबल पुरूस्कार मील अर  वै से पैल स्वामीनाथन कुण एक पत्र म हरित करानी म भारतीय वैज्ञानिकों , संगठनों , सरकारी  योजनाओं की प्रशंसा करे  गे।

   स्वामीनाथन , दिलबाग अठवाल , गुरदेव खुस जन वैज्ञानिकों क अथक परिश्रम को फल छौ कि भारत न १९७१ म खाद्यान म अफ़ु  तैं  आत्मनिर्भर घोषित कार।

  डाक्टर एम स्वामीनाथन न एक शिक्षक , प्रशासक ,प्रेरक व्यक्ति छा।  स्वामीनाथन कमिटी किसानों क समस्यासमाधान  हेतु आज भी प्रासांगिक च।

   मनकोम्बु सांबशिवन स्वामीनाथन न भौत सा ग्रंथ अर  दसियों शोध पत्र जौर्नलों म प्रकाशित करिन।  

  पुरूस्कार   संक्षिप्त  विवरण

1967 , पद्म  श्री

1971 , रैमन मैगसेसे

1972  पद्म  भूषण

1987 विश्व खाद्य पुरूस्कार

1989   पद्म विभूषण

2024 मरणोपरांत भारत रत्न

विश्वविद्यालयों बिटेन  मानद  उपाधि , सदस्य्ता आदि।

एम ऐस स्वामीनाथन को देहावसान 28 सितंबर 2023 म चेन्नई म ह्वे