प्रसिद्ध वैज्ञानिक डाक्टर दौलत सिंह कोठारी 

  डाक्टर दौलत सिंह कोठारी प्रधान मंत्री नेहरू की विज्ञान नीति सलाहकार समिति क सदस्य छा जखम  होमी भाभा , डाक्टर साह , डाक्टर सी वी रमण  बि सदस्य छा।  डाक्टर कोठारी रक्षा मंत्री क सलाहकार बि  छा . डाक्टर कोठारी विश्व विद्यालय अनुदान का अध्यक्ष बि  रैन।

   डाक्टर दौलत सिंह कोठारी क जन्म एक निर्धन परिवार म उदयपुर, राजस्थान म 6  जुलाई 1906  म ह्वे। पिता की मृत्यु उपरान्त ब्वेन लालन पोषम कार।

    डाक्टर कोठारी की प्राथमिक शिक्षा उदयपुर , इंदौर म ह्वे।  मेघनाद साह क मार्गदर्शन म भौतिकी म दौलत सिंह कोठारी न इलाहाबाद विश्व विद्यालय से एमएससी कार।

   1933 म कैंब्रिज विश्व विद्यालय से पीएचडी डिग्री प्राप्त कार।

   1934 -1961  तक दिल्ली विश्व विद्यालय म भौतिकी म रीडर, प्रोफेसर अर  विभागाध्यक्ष रूप म कार्य कार।

    1948 से 1961  तक डाक्टर कोठारी रक्षा मंत्रालय म सलाहकार छा।

    1961 -1973  तक दौलत सिंह कोठारी विश्व विद्यालय अनुदान का अध्यक्ष रैन।  अर  ये समय तैं  कोठारी दशक या शिक्षा क आधुनिकरण  अर  मानकीकरण  हेतु याद करे  जांद।

 डाक्टर डीएस कोठारी तैं  भारत क रक्षा विज्ञान क वास्तुकार बि  बुले जांद .

भौत सा विज्ञान संस्थानों क तौं सम्मान दे

1962 म पदम् भूषण अर 1973  पदम् विभूषण मील।

   दिल्ली विश्व विद्यालय म एक छात्रावास क नाम डीएस कोठारी छात्रावास नाम दिए गे।

2011 म  वैज्ञानिक , शिक्षाविद कोठारी को सम्मान हेतु भारत सरकार न डाक टिकिट जारी कार।

डाक्टर दौलत सिंह कोठारी की जीवनी प्रेरणा दींद  कि कन एक निर्धन बीटा भारत म उच्च पद पर पौंछ सकद।

डाक्टर दौलत सिंह कोठारी न अपर वसीयत म साफ़ ल्याख कि  संस्थानों म मेरो दान म म्यार नाम नि  हो।

डाक्टर दौलत सिंह कोठारी क निधन दिल्ली म 4  फरवरी 1993 म ह्वे।