यमुना नदी जन्म कथा 

उत्तराखंड संबंधित पौराणिक पात्रों की कहानियां श्रृंखला 

    20 सहस्त्र  फ़ीट  म सुमेरु क एक भाग कलिंद यमनोत्री  शिखर बिटेन अवतरित हूंदी नदी क नाम यमुना च जो  प्रयाग म गंगा से मिल्दी।  यमुना गंगा जन ही पवित्र च।  गंगा जख नीली (धौळी ) च तो यमुना काळी च (कलिंदा)।  यमुना कृष्ण भक्त मने  जांद।

 यमुना भूमि पर कन  आयी पर  पौराणिक कथा प्रचलित च।

   सूर्य पुत्री यमुना यमराज की बैणि च अर यमराज न यमुना तैं  वरदान दियुं च बल जो यमुना म नयालु तै यमलोक क दंड नि भुगतण पोड़ल।

    भगवान सूर्य क एक पत्नी नाम संज्ञा देवी छौ।  युंक  द्वी संतान ह्वेन बेटी यमुना अर  बीटा यमराज।  द्वी सांवला छया।  संज्ञा देवी सूर्य क ताप सहन नि कर सकी अर  छाया रूप म रौण लग गे।  छाया क द्वी संतान ह्वेन -ताप्ती नदी अर छंछर )शनि ) . छाया अपर सौत्या पुत्र अर पुत्री से डाह करण मिसे गे तो खिन्न ह्वेक यम न यमपुरी बसाई अर  उख रौण लग गे।  यमुना अपर भाइक मनिखों तेन दंड से दुखी ह्वे  गे अर  भूमि म पृथ्वी लोक ऐ गे।

   जब  गंगा  यमुना निकट आयी  

 एक कथा अनुसार ऋषि असित ये क्षेत्र म ऋषि जीवन वितान्दा छा।  ऋषि प्रतिदिन गंगा अर  यमुना म स्नान करदा छा।   जब ऋषि बुड्या  ह्वे गेन तो यमुना से दूर हूणो  कारण गंगा म जाणो असहाय ह्वे  गेन तो गंगा न अपर भक्त पर आश्रीवाद दीणो  हेतू अपर उद्गम  माणा से गंगोत्री म स्थानांतर कर दे।

    कालिंदा क रंग काळो  हूण 

 पैल यमुना या कालिंदा क रंग काळो  नि  छौ।  दक्ष यज्ञ तोड़णो उपरान्त सती क दुःख म भवन शिव विकसजीप अवस्था म विचरण करणा छा।  वो इना उन भटकणा  छा अर  विक्षिप्त अवस्था म तौंन कालिंदा या यमुना म छलांग लगै दे अर तब से शिव ाग्नि कारण यमुना काळी ह्वे गे।