सुनहरा कमरख पेड़ 

   भौत समय पैलाकि  छ्वीं  छन।  वियत्नाम म एक कै गांव म एक धनी मनिख छौ।  तैक द्वी नौन छा। बड़ो क्रूरमुखी अर कृपामुखी   जब धनी क मृत्यु ह्वे तो धन बंटन ह्वे।  बड़ो भै क्रूरमुखी लालची व कृपण मन को छौ तैन अफुम भौत सा धन राख अर छुट भुला कुण सुनहरा कमरख (स्टारफ्रुट ) पेड़ दे दे।  वैक भुला कृपामुखी बड़ो दयावान व करुणा  हृदय को छौ।

      एक दिन कृपामुखी क बगवान म एक जादुई  घुघती आयी अर कमरख क फल खै  गे।  कृपामुखी नघुघती से अपर विरोध जताई।  जादुई घुघती न  ब्वाल , ” फलों क संटवरा म मि  त्वे सोना क डौळ डेलू।  तू तीन बालिस्त क थैला त्यार कौर मि  भोळ औलु।  :

  कौल वचन अनुसार जादुई  घुघती कृपामुखी तैँ एक द्वीप म लीग जख सोना इ सोना छौ।  कृपामुखी न सोना से थैला भौर, घुघती तै तैं अपर पीठ म घर लायी ,   वो धनी बण गे।

 कृपामुखी क धन से क्रूरमुखी जळ गे।  वैन कमरख पेड़ क संटोरा म अपर सब सम्पति भुला तै दे दे।

   अब क्रूरमुखी क बगीचा म कमरख पेड़ छौ।  ढब अनुसार जादुई घुघती आयी अर फल खै  गे।  क्रूरमुखी क विरोध म वीन ब्वाल कि ,”तीन बालिस्त थैला बणै।  मि  भोळ औलु।  “

   किन्तु लालची क्रूरमुखी न  बड़ा बड़ा थैला बणै देन।  घुघती क्रूरमुखी तैं  उड़ै क द्वीप म लै।  वैन अपर सक्यात से बिंडी सोना भार , घुघती  बीच म तक गे।  वींन वैकुण  ब्वाल कि कुछ सोना भीम चुलै  दे।  किन्तु लालची क्रूरमुखी नि  मान।  घुघती भार नि साक सौक अर वींन तै लालची मनिख तैं समुद्र म डाळ दे।