माई एन टाइम अर तरबूज़ौ बीज 

भौत समय पैलाकि  छ्वीं छन जब हंग राज्य छौ।  एक छौ अनाथ माई एन टाइन (Mai An Tiem ) जु एक बुड्या -बुडड़ी सेवा कोरी  निर्धनता म जीवन यापन करणु छौ।

 एक रुड्युं दिन राजा हंग अर वैक सभासद , सैनिक उना ऐन।  माई एन टाइन  न बड़ो  आदर सत्कार व लगन से  राजा क सेवा कार।  राजा अनाथ माई एन टाइन  क अनुरागयुक्त सेवा से प्रभावित ह्वे अर निर्णय ले कि माई एन टाइन  तैं राजधानी लिए जाय व राज्य सेवक बणाये जाय।  राजा अनाथ  माई एन टाइन (Mai An Tiem ) तैं राजधानी ल्ही गे अर  माई एन टाइन (Mai An Tiem )  तैं अपर व्यक्तिगत सेवा म कार्य दे दे।

    समय क संग संग माई एन टाइन बड़ो शक्तिशाली मनिख बणदो  गे।  अर  अपर नैतिक व मूल्य वान संबंधी कार्यों से  राजा  तै वैन प्रभावित बि कार। राजा बि माई एन टाइन तै प्यार, संबल,  दुलार व रक्षा दींदो छौ।  इख तक कि राजा न अपर बेटी क हाथ अनाथ माई एन टाइन म दे अर भौत सी अमूल्य भेंट बि दे।

  एक दिन माई एन टाइन न सब राजकुमारों तै भोजनार्थ अपर ड्यार  बुलाई।  सब आनंद लीणा  छा।  छ्वीं बथ  हूणा छा तो सबसे बड़ राजकुमार न बोलि  , “

सब तै ज्ञान छौ बल राजा माई एन टाइन से कथगा प्रेम करदन तो सब्युंन माई एन टाइन से बि राय मांग।

माई एन टाइन न विनय पूर्वक  ब्वाल , ” मि सिखणु रौंद कि  जु मीम च वे से हि कन आनंद लीण अर सुखी सफल रौण , मि भगवान अर राजा क आभारी छौं कि मीम पद च , धन च अर  राजा क प्रेम च पर मि प्रभावित नि हूंद बाह्य चकाचौंध से। “

 सबसे कणसो राजकुमार राजा क माई एन टाइन को प्रति प्रेम व समर्थन से ईर्ष्या खांदो छौ।  स्यु राजधानी आयी अर ईर्ष्यायुक्त ह्वेक तैन मिथ्या प्रचार कार कि माई एन टाइन घमंडी , राजा क प्रति अनादारी , असहिष्णु च, विश्वासघाती च व राजा तैं  गद्दी से उतार बि सकुद।

  यूं मिथ्या बथों  से  राजा क्रोधित ह्वे गे अर राजा न आदेश दे कि माई एन टाइन तैं देश निर्वासन दिए जाय व सैनिकों तैं आदेश दे कि माई एन टाइन तै परिवार सहित वैकि  जंग लगीं दाथी  अर कुछ बीजों दगड़ एक रेगिस्तानी द्वीप म भिजे  जाय व दगड़ म ब्वाल , ” अब दिखुद कि मेरी सहायता बिन माई एन टाइन कन  ज़िंदा रौंद  धौं।  “

 दुसर दिन  सैनिक माई एन टाइन व वैक पत्नी तैं  रेगिस्तानी द्वीप  को ओर चलण  शुरू ह्वे  अर  तीन दिन म म छोड़ि ऐ गेन।  माई एन टाइन म पुराणी दाथी  अर  कुछ बीज छा।  जब माई एन टाइन पत्नी सहित द्वीप म पौंछिन तो अंद्यर ह्वे गे  छौ।  रात हूण से पैल तौंन एक उड़्यार ढूंढ अर तख रात काट।

    सुबेर  द्वी बिजेन।  माई एन टाइन न समुद्री भोजन कट्ठा  कार अर  तब दाथी लेक पहाड़ी ओर गे तख तैन दाथी से भोजनार्थ  बांस क बंसकिल काट अर  शेष बांस घर निर्माण हेतु बांस काट।

 घर बि बण गे।  जो छौ तैक समुचित उपयोग से दुयुं क जीवन  भल ढंग से चलणु छौ. ये समय म बच्चा ह्वे गे छा।  बच्चों क उम्र बि बढ़ गे छौ अर सि बीज अर  हौर  कंद मूल कट्ठा  करदा छा।  अर तौं तै सग्वड़ म उगांद छा।  माई एन टाइन क मुख्य समय माछ मरण अर  पथरीली भूमि तै कृषि लैक बणान म व्यतीत हूंद छौ। माई एन टाइन की पत्नी भोजन पकाण म व्यस्त रौंदि छे।  जीवन स्थिर ह्वे गे छौ।  जो बि छौ उख पर संतोष करदा छा।

    एक इन माई एन टाइन पहाड़ी म छौ कि कुछ कव्वा किवारौळी  करणा  छा कि तौंक चूंच न कुछ बीज भ्यूं पोड़ि गेन। माई एन टाइन न तौं  काळ बीजों तै कट्ठा  कार अर पहाड़ी पर भली उपजाऊ भूमि पर ब्वे देन।

    कुछ दिन म पूरी पहाड़ी म हरा पौधा , पीलो फूल अर हरा बड़ा फल खिलण  लग गेन।

फल देखिक  माई एन टाइन की  पत्नी  न ब्वाल , ” मि  तै नि पता यु फल खाण लैक छौ कि  ना ?”

    माई एन टाइन न फल फाड़िक  ब्वाल , ” भैर हरा अर  भितर लाल व काळा बीज।  चूँकि कव्वौन चुलै तो खाण लैक छा।  ”  माई एन टाइन न चाख अर  ब्वाल , ”  रसदार व मिठु च ।  एक नाम दुआ हाउ धरे जाय “

     वूंन बीजों तै ब्वे  अर नई फसल उगाई।  माई एन टाइन न तै फल क भितर अपर पता लेखि धार अर समोदर म बगै दे। अर इन म भौत बार भौत सा फल समोदर म बगाये गेन।  कुछ समय म द्वी तीन व्यापारियों क नाव ऐन।  अर  तै फल मोल लेकि गेन।  फिर हौर बि व्यापरियों क नाव ऐन अर फल मोल लेक चल गेन। इन म माई एन टाइन क जीवन व्यस्त ह्वे गे अर तरबूज क व्यापार चलण लग गे।

    एक दिन  यु खरबूजा फल राजा क भोजन म पौंछ अर राजा न फल को  सोत्र   पूछ तो पता चल कि फल को सोत्र  माई एन टाइन च।

     राजा तै ज्ञान ह्वे अर  दुखी ह्वे कि गलत निर्णय लिए गे।  राजा न द्वीप से सपरिवार बुलाई अर पुनर्सम्मान दे।  देस का लोगुंन   माई एन टाइन का प्रति सम्मान दीणो बान  पूरो देस म तरबूज  की खेती शुरू कार।