वियतनाम देस, इतिहास , भाषा अर लोक कथ्य 

 वियतनामौ  अधिकृत नाम च ‘सोसलिस्ट रिपब्लिक ऑफ़ वियतनाम'(वियतनाम समाजवादी गणराज्य )। ‘. वियतनाम दक्षिण पूर्व एशिया  म हिन्द चीन प्रायद्वीप  को एक भाग च।   वियतनामौ क्षेत्रफल तीन लाल इकतीस हजार द्वी सौ अग्यारा किलो मित्र च।  वियतनाम को उत्तर मा चीन , उत्तर पश्चिम म लाओस, दक्षिण पश्चिम म कम्बोडिया अर पूर्व म दक्षिण चीन सागर च।  सन  द्वी हजार तेईस म लगभग 10 . 04  करोड़ छे।  देस क अधिसंख्य जनसंख्या बौद्ध च जो जग म तिसर बड़ो देस च।  दूसरी सदी से १५ वीं सदी तक चम्पा राज्य म हिन्दू राज्य बि  छौ।  लगभग आज सहत्तर हजार हिन्दू वियतनाम म छन बल। दुसर सदी म ही बौद्ध धर्म वियतनाम म भारत से या चीन से आयी।

           लघु इतिहास

 उन  तो वियतनाम म मनिख इत्यास 40000  वर्ष पुरण  च जब मनख इख  ऐना , आधुनिक रूप म  वियतनामौ इतिहास 2700  वर्षोक इतिहास मने  जांद। पैल  वियतनाम पर चीनी मूल वळ राजवंशियों क शासन राई।  सन 500 BC तक वैन लॉन्ग को शासन की कथा चलदी।  यांक  उपरान्त 207 िश्वि पूर्व से 938 िश्वि तक भौत सा चीनी राजवंशियों क शासन राय।  यांक  उपरान्त वियतनाम पूर्ण रूपेण स्वतंत्र ह्वे।  1255 से 1285 तक मंगोल अर  चीनी आक्रमणों क पूरो उत्तर वियतनामियों न दे।

 उन्नीसवीं सदी मध्य वियतनाम पर फ्रांस को अधिकार ह्वे  गे।  दुसर विसगव युद्ध म जापान  वियतनाम पर अधिकार कर ले।  उपरान्त म फ़्रांस न आक्रमण कार जै  तै हिन्द चीन युद्ध बुले जांद।  जेनेवा समझौता क अंतर्गत वियतनाम क द्वी भाग ह्वेन।  दशा या छे कि लोकतांत्रिक रूप से दिखे जाल।  किन्तु अंत म यो वियतनाम युद्ध म परिवर्तित ह्वे  गे।  जनता न भौत दुःख भोगिन।

   एक राक्षस से छुटकारा मिल तो साम्यवादी राक्षस को शासन राई।  बाद म यु शासन न सुधारवाद अपनायी अर अब वियतनाम प्रगति पथ पर च।  संसार की बड़ी शक्ति कथगा हानिकारक हूंदन यो वियतनाम बतांदो।

    वियतनामी भाषा वियतनाम की मुख्य(86  % बुलण  वळ )  भाषा च।  मुलतः  भाषा चीनी भाषा से अवतरित हुईं भाषा च जन यूरोप म लैटिन से सब भाषा पैदा ह्वेन।  पैल चीनी लिपि छे अब रोमन लिपि च।

   वियतनामी लोक कथा   

   जनकि  बुले जांद कि लोक कथा कै  मानव समूह की अभिव्यक्ति च।  तनि वियतनामी लोक कथाओं म बि च।  प्रत्येक वियतनामी लोक था वियतनामी समाज की अपड़ी अभिव्यक्ति च।

 वियतनामी लोक कथा बि मौखिक रूप म ही पैदा ह्वेन अर मौखिक रूप मा इ एक साखी से दुसर साखी म सरक या पसर।  पुराणी से पुराणी  कथा बि ये देस म छन।  यूं  कथाओं म पौराणिक कथा, लोक कथा , परइ कथा , ित्यास पुरुष कथा आदि छन।

   वियतनामी कथा निम्न प्रकार की छन –

सामजिक विषयी लोक कथा

धार्मिक विषयी लोक कथा जन  महाभारत की कथा या नागराजा या ग्विल्ल  कथा, परइ कथा आदि

उपदेशात्मक जन पंच तंत्र म

प्रेम प्रधान

  मनोरजनार्थ कथा

 कै  शासन की कथा

जीवन आणो कथा आदि

    वियतनामी कथाओं क मुख्य चरित्र अर लक्षण

  वियतनामी कथा म साहस, पराक्रम , यात्रा म जूझण , कार्य हेतु कठिन श्रम -परिश्रम , वीरता , चतुरता प्रमुख हूंद।

   भलो अर  ब्यूरो चरित्र म सामंजस्य हूंद।  बुरु चरित्र दुसर  लोक को बि  हो तो बि वो हमर जन ही व्यवहार करदो।

 वियतनामी मिथक कथाओं म चमत्कार व चमत्कारिक चरित्र मिल्दन।

  कंफ्यूसिस दार्शनिक को पुरो प्रभाव कथाओं म मिल्दो।  बुद्ध की बि  छ्वीं या प्रभाव मिल्दो च।

 सामन्य जीवन जन किसानी , खेत , जल , जीवन , किचन , साग सब्जी , भैंस , मेंढक आदि की  कथा बि छन।

   गाँव, कृषि  व त्योहार की कथा बि वियतनाम म मिलदा छन।

  विदेशी शक्तियों से लड़णो अर  तौं भगाणो क प्रयास प्रत्येक कथा म हूंदी च।

निष्ठां पर विशेष ध्यान मिल्दो।