admin 
(लघु नाटिका श्रृंखला )
नौटंकी – भीष्म कुकरेती
महिपाल – उत्तराखंडौ सबसे बिंडी बरखबान कॉंग्रेसन कार।
राजपाल – न्है न्है . उत्तराखंडौ बिणास कुण सबसे बिंडी अपराधी भाजपा च।
महिपाल – बिलकुल ना , ना अर्थात ना। उत्तराखंड क अविकसित हूणो वास्ता कॉंग्रेस उत्तरदायी च। कॉंग्रेस भ्रष्टाचार जननी जि च।
राजपाल – श्रीमान ! असत्य , बिलकुल असत्य . उत्तराखंड म गूणी , बांदर , सुंगर , बेरोजगारी , ख -ब का वास्ता भाजपा उत्तरदायी च।
महिपाल – कॉंग्रेस तैं क्षमा मंगण चयेंद .
राजपाल – जी नहीं भाजपा तै क्षमा मंगण चयेंद . भाजपा कचरा पार्टी च।
महिपाल -कॉंग्रेस कचरा पार्टी च।
राजपाल – तू ही कचरा छे।
महिपाल (खौंळेक )- मि कचरा ?
राजपाल – हां
महिपाल – मि कचरा नि छौं बल्कि तू कचरा छे तबि त तेरी घरवळि हैंका कुण बगैर तलाक क इ भाजि गे ।
राजपाल – मि ना तू कचरा छे तबि त तेरी पढ़ीं लिखीं बैणिन तिसर ब्यौ कार।
महिपाल – तू कचरा। जरा अपर चची क बात करदी। बक्कि , कचरा की बात करणु च।
राजपाल – अर मि त्यार बाडा क परिवार की पोल खोल देलु त पता चल जाल कि कचरा को च।
महिपाल – अबे पर हम तो बात करणा छा कि उत्तराखंडौ बरखबान कैन कार ?
राजपाल – हां पर कचरा !
महिपाल – चल रौण दे। पॉलिटिक्स से गंदो कचरा दुनिया मा कुछ नी
राजपाल – हां। विषैला कचरा च राजनीती।
