घिंडुड़ी फेंकू छे कि  सकारात्मक ? 

एक घिंडुड़ी छे।  खूब रंगीन स्वभाव की छे। तैंक  घोंसला   घर क  छत क छज्जा  तौळ  दासुं  मध्य छौ।   एक दिन स्या  घिंडुड़ी खेतों बिटेन एक जुंडळो  दाणी लेकि अपण घोंसला  तरफ जाणि  छे कि   दाणी तौळ  भ्यूं खते गे।  घिंडुड़ी जुंडळौ  दाणी शोध म खेत म गे तो तैं का कपाळ पर एक बड़ो कांड पूड़ गे।

घिंडुड़ी क कपाळ  पर घौ  ह्वे  अर  घौ बिटेन   ल्वे आण लग गे।  घिंडुड़ी न बोलि -” द्याखौ द्याखौ ! म्यार कपाळम लाल बिंदि  च।  “

दुसर दिन तैंक घौ पर पीप भरे गे. घिंडुड़ी बी च्युचाट करदा  जोर से बोलि – “द्याखौ द्याखौ ! म्यार भौं मधे चंदन लेई , चंदन लेई च। “

तिसर दिन घौ पर कीड़ पोड़  गेन।  घिंडुड़ी बी च्युचाट करदा  जोर से बोलि – “द्याखौ द्याखौ ! म्यार  दगड़्या क्या आनंद लीणा छन।  “

चौथ दिन घिंडुड़ी मरण लग गे।  मुरदा मुरदा  घुंडड़ी न बोलि -” द्याखौ द्याखौ मेरी नींद द्याखौ। “

 जरा  उत्तर द्यावो घिंडुड़ी फेंकू छे कि  सकारात्मक ?

सर्वाधिकार@ भीष्म कुकरेती , २०२२