admin 
बीसवीं सदी का जसपुरा विशेष व्यक्ति श्रृंखला )
–
भीष्म कुकरेती
–
प्रत्येक एक दशाब्दी म प्रत्येक गाँव म नामी सर्यूळ हूंदन। हमर गाँव म बि सन साठ उपरान्त भौत सा नामी सर्यूळ ह्वेन जौं पर गाँव म फौड़ -जग्गी म भोजन पकाणो उत्तरदायित्व हूंद छौ –
जूरा ददा (भंडारी ) (श विश्राम जी कुकरेती घीड़ी ) – – जूरा ददा जी एक निष्पक्ष , पक्को जिकुड़ि मनिख छा अर घ्वाड़ों परिहवन से जुवन यापन करदा छा। जब बि जग्गी ह्वावो तो जूरा ददा एक बड़ी आवश्यकता छे। जग्गी म भोजन सामग्री क भंडार जूरा ददा म सौंपे जांद छौ कि समान सरलता से सर्यूळों तैं मिल जावो अर चोरी व खौत -फोळ ना हो। बड़ा अनुशाषित व निष्पक्ष भंडारी छा जूरा ददा।
रामू ददा (श् राम प्रसाद कुकरेती जी घीड़ी ) – रामु ददा भात दाळ पकाणो विशेषज्ञ छा। शांत चित्त वळ।
सिरि ददा (श्रीकृष्ण कुकरेती जी घीड़ी ) – सिरि ददा मुख्य सर्युलों सहायक हूंदा छा।
जोगी दा (जोगेश्वर प्रसाद जखमोला जी ) – जोगी दा आवश्यकता अनुसार भात बि पकै लींदा छा अर सहायक सर्यूळ की भूमिका बि निभांदा छा। सूजी सब्जी पकाण म बि विशेष्ज्ञ छा।
बैजू चिचा ( मोहन लाल कुकरेती जी ) – म्यार चिचा भात पकाण वळ छा। हहँसोड़ छा अर खाण वळो तनाव दूर करण वळ।
चिरूड बडा गोविन्द राम जखमोला जी – चिरूड बडा जी भात आदि सब पकांदा छा किंतु अधिकतर भुज्जी – पकाण , सूजी खैडण म व्यस्त रौंदा छा।
डक्खु दा (राधाकृष्ण जखमोला ) डक्खु दा सब चीज पकाई लींदा छा पर भात दाळ का विशेषज्ञ
फत्तु दा (फतेहराम जकगमोला जी ) – हंसोड़ फत्तु दा सब कुछ का ब्यूंतदार छा।
रामु काका (ललिता प्रसाद जखमोला जी ) – भात , भुज्जी , सूजी सब कुछ पकाणो विशेषज्ञ। छन
सतुर दा (शत्रुघ्न प्रसाद जखमोला जी ) – जब तक दिल्ली नि गे छा सब कुछ पकै लींदा छा।
रमेश चिचा (रमेश चंद्र जखमोला जी ) – जब बि पढ़द समय छुटि पर घर रौंदा छा तो फौड़ का भौत सा कार्य कर लींदा छा।
बस्ती ददा (बस्ती राम कुकरेती जी ) – बस्ती ददा सूजी खैंडण अर भुज्जी पकाणो विशेषज्ञ छा।
घनश्याम ददा (घनश्याम कुकरेती जी ) – घनश्याम ददा सूंटिया पकाणो विशेषज्ञ छा। बकै छुट मुट कार्य का अतिरिक्त भोजन सलाहकार बि छा।
गोविन्द चिचा – गोविन्द चिचा सब बातों विशेषज्ञ छन
रतन चिचा (रतनमणी कुकरेती जी ) रतन चिचा सब कुछ पकाई लींदा छा।
इसुरी बडा (ईश्वरी प्रसाद कुकरेती जी ) म्यार बड़ बड़ा जी भुजी कटण अर मुख्य सलाहकार रूप म जणे जांद छा।
डुंकर बडा (डुंकर सिंह नेगी जी ) डुंकर भुज्जी , सूजी पकाण म सहायक हूंदा छा
नत्थू दा (प्रताप सिंह जी नेगी ) भी भुजी , सूजी आदि पकाण म।
सौड़ का नागरिक जु म्यार समय फौड़ म भुज्जी , सूजी पकाण म सहायक या मुख्य भूमिका निभांदा छा –
बण्वा बडा
लूडा ददा
दयलु ददा
मूसा चिचा
सतुर ददा
सुलतान बडा
गुबरा चिचा
