admin 
पहाड़ी गुड़ लिम्बु ठंडाई पाक विधि
सर्यूळ – भीष्म कुकरेती
रुड़ी इ ना दक्षिण म सब ऋतुओं म ठंडाई उपयोग हूंद। आज सैकड़ों वर्ष पुरण पहाड़ी ठंडाई की पाक विधि की चर्चा ह्वेलि। ये तैं तमिल म पन्नकम बि बुल्दन
समान
गुड़ चूरा
लिम्बु रस ,
सोंठ ,
आदु क रस ,
पिसीं इलायची
ताज़ी पीसिं काली मर्च
कुट्युं सौंफ
एक लुट्ट्या म आवश्यक्तानुसर या द्वी कप पाणी , आधा कप गुड़ धरो अर एक डेढ़ घंटा कुण धरो कि गुड़ पाणि म गौळ जाओ व पाणी मिठ ह्वे जाव। गुड़ क पाणि तैं छाण ल्यावो।
अब एमा सोंठ , आदु रस आधा रस , सौंफ क चूरा , आधा या पवा चमच सोंठ १/३ चमच इलाइची चूरा , चुटकी काळी मरच क चूरा अर एक द्वी चमच लिम्बु रस मिला द्यावो। चुटकी भर लूण मिलाओ I चमच से मिलाओ I
तयार च गुड़ लिम्बु ठंडाई
ठंडाई म बर्फ डाळो या फ्रिज म धर द्यावो या ऊनि प्यावो।
