भौतिक शास्त्री सत्येंद्र नाथ बोस 

प्रसिद्ध तार्किक भौतिक विज्ञानी सत्येंद्र नाथ बोस कु  जन्म 1 जनवरी 1894  को कोलकत्ता म ह्वे।  यूंक प्रारम्भिक शिक्छा एक साधारण स्कुल म ह्वे  छौ।  पैथर  सत्येंद्र नाथ बोस की शिक्छा इंडियन स्कुल अर  हिन्दू स्कूल म ह्वे।  फिर प्रेसिडेंसी कॉलेज म प्रवेश ले।  प्रत्येक क्ष म सर्व प्रथम आंद छा।  1915 म गणित म सर्वपर्थम श्रेणी म पास कार।  अर कोलकत्ता विश्व विद्यालय म प्राध्यापक पद पर सेवा शुरू कार।  5 वर्ष उपरान्त प्रोफेसर सत्येंद्र बोस ढाका चल गेन।  तख 1924 म तौन ‘प्लांक विकिरण नियम ‘की नै  व्युतपति प्रस्तुत कार।

 सत्येंद्र बोस न एक अन्वेषणात्मक लेख ‘ प्लांक लौ ऐंड  क्वांटम ‘ ल्याख जै  भारत म नि छपे गे।  तो सत्येंद्र बोस न लेख आइंस्टाइन म भयाज।  आइंस्टाइन न लेख को जर्मन अनुवाद कार अर प्रकाशित कराई।  लेख से सत्येंद्र बोस तै अंतराष्ट्रीय प्रसिद्धि मील अर  आइंस्टाइन न यीं  विधि क उपयोग ‘अणुओं का गैस पर कार।  यीं  विधि क नाम ‘बोस आइंस्टाइन सांख्यिकी ‘ बुले जांद .. सत्येंद्र नाथ विज्ञान खोज हेतु यूरोप की यात्रा म गेन।  तख बिटेन आनों उपरान्त सन 1926  म ढाका विश्व विद्यालय म पढान  लग गेन।  तख सत्येंद्र बोस न 1950  तक  कार्य कार।

अंत म सि  शांति निकेतन का कुलपति नियुक्त ह्वेन।

डाक्टर सत्येंद्र नाथ रॉयल सोसिटी क सदस्य बि  नियुक्त ह्वेन।

1954 म सत्येंद्र नाथ बोस तैं  पद्म विभूषण सम्मान मील।

   4 फरवरी 1974 कुण  महान वैज्ञानिक क देहावसान ह्वे।

 CERN  जेनेवा क डाइरेक्टर जनरल R  D  Heuer न 2012  लेख छौ कि  डाक्टर सत्येंद्र नाथ बोस तैं तो नोबल पुरुष्कार मिलण चयेंद छौ।

  डाक्टर सत्येंद्र नाथ विज्ञान की चर्चा भारतीय भाषाओं करणों प्रबल समर्थक छा।  वूंको बंगाली म विज्ञान चर्चा पर विरोधियों कुण थप्पड़ छे – या तो यी लोग विज्ञान नि जणदन या बंगला नि जणदन।