तौळौ  कारणु से रोग शाखाओं म पौंच जांदन

  अनुवाद भाग –  २५६ 

–

      !!!  म्यार गुरु  श्री व बडाश्री  स्व बलदेव प्रसाद कुकरेती तैं  समर्पित !!! 

तौळौ  कारणु से रोग शाखाओं म पौंच जांदन।  व्यायाम जन्य रोग से कोष्ठ छोड़ि रोग मल शाखा म आयी जांदन।  अग्निक तीक्ष्ण हूणन पिछड़यां दोष शाखाओं म ऐ जांदन।  हितकारी वस्तु क अति सेवन से भौत बढ़यां दोष पाणि तरां अपर स्थान  भौरी दुसर स्थान म चल जांदन। वायु कगतिवान हूण से वायु सहायता से दुसर स्थान म पौंछि जांदन।  इख शाखा आदि म पौंछि रोग उत्तपन्न करण म विलम्ब करदन।  किलैकि निर्बल दोष प्रबल दोषों से बिन  प्रेरित ह्वेका कुपित नि हूदन।  इलै उचित स्थान म उचित समय पर कुपित हूदन।  वो निर्बल दोष अर कारणु जगवाळ करदन।  प्रबल दोष दुसर क जगवाळ नि करदन।  शाखाओं से दोष कन कोष्ठ म आंदन अब  बुले जाल। ३०-३१।

   दोषुं बढ़ण से , दोषुं पकण से , स्रोतों मुख खुलण से , अवरोध हटण से , तथा फिंकण वळ वायु रुकण से यी स्थित दोष कोष्ठ म ऐ जांदन।  ३२।

*संवैधानिक चेतावनी : चरक संहिता पौढ़ी  थैला छाप वैद्य नि बणिन , अधिकृत वैद्य कु परामर्श अवश्य लीण

संदर्भ: कविराज अत्रिदेवजी गुप्त , भार्गव पुस्तकालय बनारस ,पृष्ठ   — ३८२  

सर्वाधिकार@ भीष्म कुकरेती (जसपुर गढ़वाल ) 2022