admin 
पैरास्यूट की गारंटी ( चबोड्या – हंसौण्या ननि नाटिका )
(ननि -ननि नाटिका श्रृंखला, Short Skits )
नौटंकी – भीष्म कुकरेती
(स्थल स्पोर्ट्सशॉप )
क्रेता – मि तैं पैरास्यूट चयेणु च।
विक्रेता (एक निकाळि दिखांदु) – उन त हमम भौत सा प्रकारा पैरासूट छन किंतु यु बेस्ट म बेस्ट च। सर्वोत्तम !
क्रेता – यु पैरास्यूट सर्वोत्तम किलै च ?
विक्रेता – द्याखौ यु ह्वे रिप कॉर्ड। जैतै खैंचो त पैरास्यूट खुल जान्दो।
क्रेता – औ !
विक्रेता – जी अर यु च स्यूट अर्थात स्यूट कॉर्ड।
क्रेता -एक क्या कार्य ?
विक्रेता – यदि पैल वळ डुडड़ कार्य म असफल रावो तो यू कॉर्ड काम कारल ?
क्रेता – ब्वा ! बैकअप कॉर्ड।
विक्रेता – जी। जी।
क्रेता – अर यु तिसर डुडड़ क्या च ?
विक्रेता – ये कुण बुल्दन रिजर्व स्यूट। जु द्वी डुडड़ असफल होवन तो यु तिसर विकल्प च।
क्रेता – ब्वा ! बैकअप क बि बैकअप
विक्रेता – जी जी आप त अनुभवी छन।
क्रेता – अच्छा जु यु तिसर बि काम नि कारल तो आपक क्या गारंटी च ?
विक्रेता (अपर मन म, सोच ) – मेरी क्यांकि गारंटी ? इंस्युरेन्स कम्पनी गारंटी देली तुमर परिवार तैं।
क्रेता – जी मीन पूछ बल जु यु तिसर बि काम नि कारल तो आपक क्या गारंटी च ?
विक्रेता – तो हम आप तैं नयो पैरास्यूट द्योला अर बड़ी आव भगत बि करला।
