अंग्रेजी अध्यापक मोहन लाल बिंजोला जी क सैमळौण 

–

 भीष्म कुकरेती

–

  सिलोगी म मीन 62 -65  तक लगभग शिक्षा पायी।  तब अंग्रेजी अर  गणित अध्यापकों क अकाळ  ही हूंद छौ।  पैल हम तैं  भग्यान हरिराम जखमोला जी अंग्रेजी पढ़ांदा छा।  ऊंको सेवानिवृत उपरान्त भुभरसैण  का  श्री मोहन लाल बिंजोला जी अंग्रेजी पढ़ाणो नियुक्त ह्वेंन।

प्रत्येक छात्र WEEK  अर  WEAK  की स्पेलिंग म असहज रौंद।

      मि  तैं  मोहन लाल जीक याद इलै च कि  तौन  WEEK  अर  WEAK शब्दों क स्पेलिंग याद रखणों  बड़ो सौंग , जोरदार , सदा स्मरणीय ढंग सुझाई।

     ऊंन पूछ

       प्रश्न – WEEK  माँ कथगा  E  छन

छात्रों उत्तर – द्वी

     WEEk  को अर्थ

उत्तर – सप्ताह

 प्रश्न -WEAK म कथगा  E छन

उत्तर -एक

मोहन लाल जी – तो E क अनुसार वीक को च ?

  WEAK

  मोहन लाल जी – तो सदा याद राखो जखम  E कम च ओ कमजोर अर्थात WEAK अर  जखम  E शक्तिशाली अर्थात द्वी E ह्वाई  – WEEK

 तब से मि  तैं कभी भी WEEK  अर  WEAK की स्पेलिंग म भूल नि  ह्वे।

भौत बार मीन  या बात अपर अधीनस्त अधिकार्युं  तैं  बि  बिँगाई।

नमन श्री मोहन लाल बिंजोला जी

नमन सिलोगी स्कूला संस्थापक  – स्वर्गीय सदा नंद कुकरेती जी