महर्षि पतंजलि भारत इ ना  संसारा सबसे बड़ मनोवैज्ञानिक ह्वेन

महान मनोवैज्ञानिक पतंजलि 

महर्षि पतंजलि भारत  इ  ना  संसारा   सबसे बड़ मनोवैज्ञानिक  ह्वेन ।  शरीर व मन का जोड़ /योग  का बारा म पतंजलि न योग संहिता रची योग पर  १९५  सूत्र देन।   पतंजलि तैं योग का जनक बुले जांद . पतंजलि बड़ा म कम से कम जानकारी च।  पतंजलि पांणी क शिष्य छा व काशी कर्मस्थल छौ।  इन मने जांद बल  ब्राह्मण राजा पुष्यमित्र  (१९५ -१४२ िश्वि पूर्व ) क राज म यूंको जन्म गोंडा म ह्वे  अर कशी म बस गए छा. यूंका जीता जी जनता पतजंलि तैं  शेषनाग का अवतार मनण लग गे छा।

योग अर्थात शरीर व मन का जोड़ी उपयोग अर  सब मनोविज्ञान ही च।  शरीर विज्ञान व  मनोविज्ञान का सही उपयोग.

पतंजलि न पुष्य मित्र क राजपुरोहित व मुख्य सलाहारकार  व्याकरणाचार्य   पाणिनि से शिक्षा ग्रहण करि  छे।  पतंजलि न पांणी क अष्टाध्यायी पर भाष्य ‘ महाभाष्य नाम से  लिखी छौ. उन कुछ बुल्दन बल महाभस्य क रचनाकार अर  योग संहिता का रचना कार।  महाभाष्य व योग संहिता की भाषा व शैली म समानता च।

पतंजलि न योग तैं  आम मानव कुण सरल भाषा म सूत्र देनि।  पतंजलि योगसंहिता से आम लोगों मध्य योग का प्रति रूचि बढ़ अर  बाद म आतंकवादी मुस्लिम शाशन म शून्य ह्वे गे  छे।  पुनः विवेका नंद का समय योग पर लोगों ध्यान गे  व अब योग गुरु स्वामी रामदेव व भारत का प्रधान मंत्री नरेंद्र मोदी का प्रयास से भारत म योग घर घर की बात ह्वे गे।

योग संहिता का अरबी व अन्य भाषाओँ तब ही अनुवाद ह्वे  गए छौ जब तक आतंकवादी मुस्लिम शासन नई आयी छौ।

पतंजलि क योग संहिता म निम्न चार भाग छन –

साधना पद – ५१ सूत्र

समाधी पद -५५ सूत्र

विभूति पद – ५५ सूत्र

कैवल्य पद- ३४ सूत्र

पतंजलि  वाकरण का बड़ा विद्वान् छा जु उन्क  योग संहिता से सिद्ध हूंद।  एक एक शब्द व सूत्र महत्वपूर्ण च।  एक सूत्र ना तो कम करे सक्यांद ना ही जोड़े सक्यांद।