admin 
भाग्यशाली कार (ननि नाटिका)
(ननि ननि नाटिका श्रृंखला)
नौटंकी – भीष्म कुकरेती
पात्र
कार सेल्समैन
एक महिला
स्थल – यूज्ड कार शो रूम
–
सेल्समैन – ठीक च यीं कार से द्वी बेर दुर्घटना अवश्य ह्वे किन्तु कार बड़ी भाग्यशाली च।
महिला – दुर्घटना उपरान्त बि कार भाग्यशाली च ?
सेल्समैन – हां जी हाँं ! द्वी बेर दुर्घटना उपरांत बि कार अति भाग्यशाली च।
महिला – कनै ई ?
सेल्समैन – जी द्वी दैं महिला कार चलाणी छे। दुर्घटना ह्वे किन्तु महिला चालक तो बच गेन किंतु दगड़म ऊंको पति मोर गेन।
महिला – क्या कुतर्क ! निर्थक बथ करणा छा। पीटीआई स्वर्गवासी ह्वे गेन अर कार तब बि भाग्यशाली ?
सेल्समैन – जी सत्य छौं। पैल बेर बुड्या पति अपर युवा पत्नी तैं छुड़ण वळ छौ बिन क्षतिपूर्ति का।
महिला – किलै ?
सेल्समैन – न्यायालय म सिद्ध ह्वे गे छौ कि पत्नी का द्वी हौर बॉय फ्रेंड्स बि छा। दुर्घटना से सब कुछ भल ह्वे गे।
महिला – अर दुसर दैं ?
सेल्समैन – द्वी पति पत्नी मध्य विवाह विच्छेद की बात चलणी छे किंतु पति भौत अधिक क्षतिपूर्ति मंगणु छौ.
महिला – पति बिंडी क्षतिपूर्ति ?
सेल्समैन – हाँ सम्पति क स्वामिनी तो महिला इ छे कारण सम्पति वींक बूबा जीक जि छे।
महिला – पर म्यार तो तलाक ह्वे गे। मि तैं कजे से छुटकारा नि चयेणु।
सेल्समैन – जी सेकंड हैण्ड कार म सबसे बड़ी बात भाग्यशाली या दुर्भाग्यशाली कार इ महत्वपूर्ण हूंद। कार व महिला पर द्वी दुर्घटना का उपरान्त बि खरोच तक नि आयी।
महिला – भलो भलो। मि तैं कार परीक्षण करण पोड़ल।
सेल्समैन – जी यो संभव नी। जब तक आप कार क्रय नि करिल्या तब तक कार परीक्षण नि कौर सकदा।
महिला – किन्तु तुमर मूल्य तो भोत अधिक च।
सेल्समैन – ठीक च तुम तै टायर लेस कार दे दींदा तो कार का मूल्य कम ह्वे जाल।
महिला – टायर ?
सेल्समैन – तुमर घर म पुरण टायर तो होला ही सि बदल द्योला।
महिला – हाँ यि भल च।
सेल्समैन – तो डील पक्की हैं ?
महिला – हां। ल्या म्यार क्रेडिट कार्ड।
सेल्समैन – थैंक यु। अच्छा त कार क टायर तुमर घर म इ बदल द्योला।
महिला – हां। अब मि घर तक कार परीक्षण कुण लि जौल।
सेल्समैन – भलो भलो। आप म ड्राविंग लाइसेंस छैं च
महिला – हां।
सेल्समैन – इनसुएरेन्स ?
महिला – म्यार तो छैं च किन्तु कार इन्सुरेंस लीण पोड़ल।
सेल्समैन – चिंता नि कारो मि टेलीफोनिकली इन्सुरेंस ले लीन्दो पैसा आप भरल्या।
महिला – हां हां। अब द्या कार चाबी।
सेल्समैन – हूं ! आपक टायर बदलण पोड़ल। तुमर घर म। मि इन करद कि तुमर दगड़ तुमर घर आंदो। टायर बदलिक तुमर इ दगड़ वापस आयी जौलु।
महिला – हां ! यु भल च। इख बिटेन घर व घर बिटेन तक कार परीक्षण बि ह्वे जालो। ल्या आपक सब इंश्योरेंस बि ऐ गेन। मि डिटेल्स व्हट्सप करदो आपौ कुण।
सेल्समैन – तुम ड्राइविंग सीट म बैठो मि आपौ बगल म बैठ जान्दो।
महिला – भलो भलो।
( कार वास्तव म भाग्यशाली इ छे। अबकि बेर या महिला जब कार परीक्षण करणी छे तो कार दुर्घटना ह्वे गे। महिला व कार पर एक खरोच तक नि आयी किन्तु बगल म बैठ्युं सेल्समैन की अपघात म तड़म तखमी मृत्यु ह्वे गे। )
