हिजड़ो दुन्या – फाड़ी – २  

   पार्वती न मैल से जब गणेश कि उत्पति कौर त शिवजी न वैको मुंड काटी दिने.  याँ से पार्वती भौत इ दुखी ह्व़े अर इन लग जन पार्वती जांदी च. बस शिवजी न वैको गात पर हाथी मुंड लगै देय. गणेश कि उत्पति देखिक  ब्रह्मा जी अचकचे गेन. ये चमत्कार देखिक ब्रह्मा जी न स्वाच जु इन प्राणी तै मनिखौ योनी मा धरे जाव जो ना पुरुष ह्वाओ अर ना ही स्त्री त कनो राल?

    यां पर ब्रह्मा न अर्धनारीश्वर कि रचना कार . अर्धनारीश्वर शिवजी को एक रूप च .

   पन हिजड़ा सम्प्रदाय ईं बात तै नि माणदो बल अर्धनारेश्वर शिवजी छन. वूंक मनण च  बल अर्धनारेश्वर ‘बहुचर देवी’ च. बहुचर देविक मन्दिर अहमदाबाद , गुजरात मा च . बहुचर देवी क नाम ‘बहुचरामाता ‘, बुचरामाता ‘ . बहुचरा देवी क नाम पर सबी बार त्यौहार मनान्दन .

  चीन मा हिजड़ा या ट्रांसजेडरिज्म वळी भौत  सि  (बुद्धिज्म से पैलाक ) –  पुराणी से पुराणी लोक श्रुति अर लोक कथा छन अर शिखंडी जन दिवता बि छन जन कि – चाऊ वांग, लान काही, शन गु, यू महान अर गन.

   अरबी -इरानी लोक कथों मा बुखायत पैलो हिजड़ा च अर विकी कथा च कि कन कै , किलै बुखायत को लिंग काटे गे. अरबी -इरानी लोक कथों मा काफूर दुनया को दुसर हिजड़ा च