कांच संसोधन वैज्ञानिक डाक्टर आत्माराम  

     डाक्टर आत्माराम सूक्ष्म दर्शी हेतु कांच निर्माण भारत म निर्माण प्रारम्भिकरण  व  उच्च शिक्षा में हिंदी प्रयोग का प्रयोग समर्थन हेतु प्रसिद्ध  छन

     सादा जीवन उच्च विचार अपनानण  वाळ  डाक्टर आत्माराम तैं  गांधीवादी वैज्ञानिक भी  बुल्दन।   डाक्टर आत्माराम क जन पीलना  , बिजनौर उत्तर प्रदेश में 12 अक्टूबर 1908 म ह्वे ।   वूंक बुबाजी  पटवारी छा ।

  डाक्टर आत्माराम न  कानपुर बिटेन  बीएससी अर  प्रयागराज बिटेन एमएससी अर डीएससी  डिग्री प्राप्त कार। प्रसिद्ध रसायनज्ञ डाक्टर एन आर धर  को मार्गदर्शन म डाक्टर आत्माराम न सन 1936 म डीएससी डिग्री प्राप्त कार।  आत्माराम . डाक्टर मेघनाद साह का बि प्रिय शिष्य छा.

     डाक्टर आत्माराम तैं  अपर फीस दीणों  हेतु ट्युसन आदि करण पोडद छौ।

  डीएससी करणों उपरान्त जॉब खुजण म भौत समस्या ऐन।  पर डाक्टर आत्माराम न धैर्य नि छोड़।  तौं  तैं  नया नया संस्थान इंडस्ट्रियल रिसर्च ब्यूरो (बाद म ऑटोनोमस संस्थान –    कौंसिल ऑफ़ सांटिफिक ऐंड इंडस्ट्रियल रिसर्च  CSIR  बण )  म रिसर्च असिस्टेंट पद पर नियुक्ति मील।  डाक्टर शान्ति स्वरूप भटनागर तब ये संस्थान को अध्यक्ष छा।

   डाक्टर भटनागर आत्माराम को  कठोर अनुशासन , परिश्रम व अग्निशामक हेतु देसी फ्यूण  (indigenous foam ) खोज से अति प्रभावित ह्वेन।

  सिरैमिक इंस्टीट्यूट निर्माण म डाक्टर आत्माराम कमेटी क सेक्रेटरी छा।  कांच शोध हेतु डाक्टर आत्माराम न भारत भ्रमण  कार।  अर कांच निर्माण पर एक गहन रिपोर्ट दे।

   सेंट्रल ग्लास ऐंड  सिरैमिक रिसर्च सेंटर का सि प्रथम फाउंडर डाइरेक्टर बणाये  गेन।

   ये संस्थान म डाक्टर आत्माराम व टीम न ऑप्टिकल ग्लास निर्माण क भारतीय शैली को निर्माण कार अर  आवश्यक फैक्ट्री उपकरण व मिट्टी गळाणो उपकरण भी शोध कार , कि  भारत आत्म निर्भर ह्वे  जा।  तब से सूक्ष्म दर्शी व अन्य रक्षा उपकरणों हेतु कांच निर्माण भारत म शुरू ह्वे।

  डाक्टर आत्माराम शाकाहारी व शराब से दूर रौण  वळ  व्यक्ति छा।  विदेशी यात्राओं म यांसे दिक्क्त हूंदी छे किन्तु कभी भी शराब व मांश नि उपयोग कार।

कुछ मामलों म नेहरू अर आत्माराम मध्य मतभेद छा , नेहरू जी एटोमिक इनर्जी तेन  बिंडी महत्व दींद छा।

डाक्टर आत्माराम विज्ञान की पढ़ाई हिंदी म करवाणो समर्थक छा।

   डाक्टर आत्माराम तैं  भटनागर सामान व पदम् श्री पुरूस्कार मील (1959  )

 केंद्रीय हिंदी संस्थान प्रति वर्ष ‘आत्माराम ‘पुरूस्कार दींदी।

डाक्टर आत्माराम क नेहरू मध्य मतभेद को एक कारण आत्माराम को हिंदी प्रेम बि  छौ बल।  डाक्टर आत्माराम क संबंध भूतपुरब उत्तर प्रदेश मुख्य मंत्री चंद्र भानु गुप्ता अर  प्रधान मंत्री मोरार जी देसाई से भौत भल छा।  हिंदी म बातचीत बि एक कारण छौ संभवतया।

डाक्टर आत्माराम का वैकुण्ठवास दिल्ली म 6 फरवरी 1983 कुण  ह्वे।