प्रसिद्ध भूरसायनज्ञ आदिनाथ लाहड़ी 

प्रेरक वैज्ञानिक जीवन व वैज्ञानिक शोध  कहानियां   श्रृंखला  

डाक्टर आदिनाथ लाहड़ी भू-रसायन अर ईंधन प्रौद्योगिकी क प्रसिद्ध वैज्ञानिक छा।  धन्यवाद म  केंद्रीय ईंधन अनुसंधान संस्थान खुलण म डाक्टर आदिनाथ लाहड़ी को महत्वपूर्ण योगदान छौ।

  डाक्टर आदिनाथ लाहड़ी को जन्म पाबरा , पुरुलिया, बंगाल म 24 अगस्त 1916 कुण ह्वे।

    कोलकता  विश्व विद्यालय  बिटेन   आदिनाथ लाहड़ी न भूविज्ञान अर  भूरसायन म मास्टर डिग्री अर्जित कार।  इम्पीरियल कॉलेज लंदन विश्व विद्यालय म  डॉक्टरेट उपाधि हेतु  शोध कार्य कार। द्वितीय विश्व युद्ध म  आदिनाथ  लाहड़ी न रॉयल  एयर फ़ोर्स म प्रवेश कार।  तब रोयल एयरक्राफ्ट प्रतिष्ठान , फार्म्बेरो फील्ड म इंधन अर तेल अनुसंधान क प्रमुख छा।

युद्ध उपरान्त डाक्टर आदिनाथ भारत ऐ गेन।  तख कौंसिल ऑफ़ सांटिफिक ऐंड इंडस्ट्रियल रिसर्च (CSIR ) म उप निदेशक तौर पर ंयुक्त ह्वेन इख डाक्टर आदिनाथ लाहड़ी न सेंट्रल फ्यूल रिसर्च इंस्टीच्यूट की स्थापना की योजना ही नि बणायी अपितु संस्थान की स्थापना बि करवाई। 1953 म ये संस्थान का निदेशक नियुक्त ह्वेन  अर  सेवा निवृत हूण  तक यखी  रेन। सेवानिवृति उपरान्त डाक्टर लाहड़ी संयुक्त राष्ट  (चिली फील्ड ) का सलाहकार रैन।

    भारतीय ऊर्जा  सर्वेक्षण समिति  अर भारतीय ईंधन नीति परिषद क सदस्य रैन /

   डाक्टर लाहड़ी क शोध – पैट्रोग्राफी , ओक्सीडेसन मेकेनिज्म , सॉल्वैंट एक्स्ट्रक्सन , सरफेस केमिस्ट्री ऑफ़ कोल , म केंद्रित छौ।  डाक्टर लाहड़ी न ईंधन  टेक्नोलॉजी म भौत  सि नई पद्धतियां खुजनों हेतु  याद करे  जांदन।  अर तौन  90 पेटेंट रजिस्टर करिन।

   डाक्टर आदिनाथ लाहड़ी न 500  से बिंडी  शोध लेख प्रकाशित करिन।

कोयला जन  ईंधन की खोज व उपयोग  म डाक्टर लाहड़ी को नाम सदा आदर से लिए जालो।

सम्मान

भारत सरकार न निम्न पुरूस्कार देन –

पदम् श्री (1960 )

पद्म  भूषण (1969 )

इंस्टीच्यूट ऑफ़ इंजीनियर्स – फेलोशिप

इंस्टीच्यूट ऑफ़ फ्यूल्स लंदन -फेलोशिप

भारतीय विज्ञान अकादमी क सदस्य व फेलोशिप

डाक्टर आदिनाथ लाहड़ी क देहावसान 26 अगस्त 1975 म ह्वे।