प्रसिद्ध अभियंता अयोध्या नाथ खोलसा 

अयोध्या प्रसाद खोसला एक इंजीनियर व एक राजनीतिज्ञ छा ।  अयोध्या प्रसाद खोसला को  जन्म जालंधर म 1 दिसंबर 1892 कुण  ह्वे।  जलंदर से मैट्रिक करणों उपरान्त खोसला की शिक्षा भैर  ह्वे।  1912 म अयोध्या प्रसाद खोसला न डी  . ए वी कॉलेज लाहौर से बी ए होंर्स की डिग्री पास कार।  थॉमसन कॉलेज ऑफ़ इंजीनियरिंग ( IIT  रुड़की ) से तौन  सिविल इंजीनियरिंग डिग्री 1916  म प्राप्त कार।

     अयोध्या प्रसाद खोसला न इंजीनियर डिग्री उपरान्त पंजाब पब्लिक वर्क्स को सिंचाई विभाग म सेवा शुरू कार।  कुछ समय उपरान्त इंडियन सर्विस ऑफ़ इंजीनियर्स शुरू ह्वे  तो अयोध्या प्रसाद खोसला न तख  भाखड़ा नांगल डाम प्रोजेक्ट   हेतु सर्वेक्षण अधिकारी रूप म कार्य कार (सितंबर 1917 से मार्च 1921 ) । ये समय वो  इंडियन एक्शपेडिस्नरी फ़ोर्स म छा तो तख तौन  एक खोसला डिस्क विकसित कार जो नदी व घाटी म प्रोजेक्ट हेतु उपयोगी सिद्ध ह्वे।

   1921 – 1926   तक अयोध्या प्रसाद खोसला सुलेमान के बैराज  निर्माण म कार्यरत रैन।

    1931  म अयोध्या प्रसाद खोसला तै नदी , सुधार , जल भराव , डाम निर्माण  तकनीक  व योजना तै समझणो /अध्ययन हेतु यूरोप अर  अमेरिका भिजे गे. तख बिटेन आणो उपरान्त खोसला सतलज घाटी नहर विभाग म सेवारत ह्वेन।

     सन 1936  म अयोध्या प्रसाद खोसला क महत्वपूर्ण शोध लेख ‘ द डिजाइन ऑफ़ वियर्स ऑन परमिएबल फॉउंडेशन ‘ प्रकाशित ह्वे जैन  साड़ी दुनिया म नदी बाँध संरचना गढ़न म क्रांतिकारी तकनीक सिद्ध ह्वे।

   1945  म खोसला तै नयो नयो स्थापित  सेंट्रल वाटर ऐंड  पावर स्टेशन कमीशन  को चेयरमैन नियुक्त करे  गे।

पूना  को रिसर्च स्टेशन तैं सेंट्रल वाटर ऐंड  पावर स्टेशन म परिवर्तित करणों श्रेय बि  खोसला जी तैं  जांद।

  खोसला जी न हीराकुंड दाम म योजना व कार्य रूप म कार्य बि कार।

भाखड़ा दाम कमीशन को वाइस चेयरमैन अर  चेयरमैन बि 1963  तक रैन।

अयोध्या नाथ खोसला न भारत पाकिस्तान मध्य जल , नदी संधि अर  वार्ता म मुख्य भूमिका निभायी।

सन 1954 -1959 तक रुड़की इंजीनियरिंग वि वि का कुलपति रैन।

वूं  तैं 1954 म पद्म  भूषण   मील अर 1977 म पदम विभूषण

वो राज्य सभा क सदस्य बि  रैन।

  अयोध्या नाथ शिक्षा पैनल का  योजना आयोग क अध्यक्ष बि  रैन।

ओडीसा का राजयपाल बि  (1962 -1966 -1968  रैन।

 भौत सी फैकल्टी खुलणों श्रेय बि खोसला जी तैं  जांद .

अयोध्या नाथ खोसला क देहावसान 1984 म ह्वे।