admin 
बिरळ क्यांकुण चयेंद ? ( चबोड्या – हंसौण्या लघु नाटिका )
(लघु नाटिका श्रृंखला, Short Skits )
नौटंकी – भीष्म कुकरेती
स्थल – चौबट
द्वी मनिख -चुन्ना अर मुन्ना
(इना बिटेन चुन्ना (जैक हथ म एक बॉक्स च ) आंद उना बिटेन मुन्ना आंद )
मुन्ना – हैं कना ?
चुन्ना – बजार बिटेन घौर।
मुन्ना – हथ पर क्या च ?
चुन्ना – बिरळि।
मुन्ना – बिरळि ? क्यांकुण ?
चुन्ना – रात मि तैं नींद म सुपिन म भौत दैं मूस दिखेंदन अर मी तैं सुपिन म मूसूं से अति डौर लगद। अर या बिरळि मूस पकड़लि।
मुन्ना – औ ! पर मूस तो वास्तविक नी छन। केवल काल्पनिक छन। तो बिरळ किलै ?
चुन्ना – बिरळ बि वास्तविक नी च केवल काल्पनिक च।
