admin 
उत्तराखंड क पारम्परिक भोज श्रृंखला
सर्यूळ – भीष्म कुकरेती
उत्तराखंड क पहाड़ी क्षेत्रों म बौणौ सुंगरौ मांस सहस्त्रों वर्षों से खये जांद।
बण-सुंगर तै मारिक पैल पूरो भदाये जांद अर तब मांस रस्सा (Curry ) पकाये जांद। सुंगर मांस रस्सा पकाणो ब्यूंत तौळ च –
सामान –
बण -सुंगरौ मांश (राण ह्वावो तो भलो ) – १ किलो (ध्यान रावो कि मीट साफ़ हो व बाळ कतै नि होव )
टिमाटर – ३ मध्य आकर का कट्यां
प्याज – ३ बड़ा या ४ मध्य अकार क कुछ कट्यां व कुछ पेस्ट
ल्यासण – ५ -६ जख्यल दरदारो थिंच्यूं
आदो क पेस्ट एक या द्वी चमच अर १ चमच ल्यासणौ पेस्ट
खड़ा मसल
हौर मर्च – ३
तेज पत्ता – २
काळि मर्च – ३ -४ दाण
लौंग – २ या ३
बड़ इलैची – ३
दाळ चीनी – इन्चेक छुक्यल
लाल मर्च बूरा – १ चमच या जथगा चयेंद
हळदी बूरा – १ चमच
धणया बूरा – २ चमच
मीट मसल – १ चमच
राई तेल – २ -३ चमच पर बिंडी ना , किलैकि सुंगरक मांस बिटेन भौत तेल चूँदो
लूण – स्वाद अनुसार
धणया पत्ता – गार्निशिंग कुण
बण – सुंगर मांश पकाणो ब्यूंत –
सबसे पैल प्रेसर कुकर गरम कारो अर तेल गरम हूण द्यावो।
अब कट्यां प्याज व ल्यासण भूनो।
अब खड़ा मसल भूनो
जब खड़ा मसालों गंध आण लग जावो तो प्याज , आदो , ल्यासणो पेस्ट भूटो।
अब मसालों बूरा भूनो , कुछ देर म मीट मसाला भूनो। कटीं होर मार्च व कट्यान टिमाटर भूनो।
अब बण-सुंगरो मांस डाळो अर खूब भूटो। लूण मिलाओ। जब भुटे जाय त मीट मसल भूनो फिर एक गिलास या जथगा रस्सा चयेणो च उथगा पाणि डाळो।
कड़छी चलण चयेंद।
अब प्रेसर कुकर ढक्क्न लगाई द्यावो व तीन सीटी तक पकावो। ठंडी आंच म पकावो
जब पक जाय तो उतारो। कुछ समय सळाण द्यावो, ढक्क्न उतारो अर तब धणया पत्ता डाळो व भात रुटी दगड़ परोसो
सर्वाधिकार@ भीष्म कुकरेती २०२२
