admin 
(लघु नाटिका श्रृंखला )
नौटंकीबाज – भीष्म कुकरेती
परिचारिका – मिसेज गैरोला ! प्लीज रूम नंबर ५ म डाक्टर डिमरी से मीलो .
मिसेज गैरोला – मीलो ?
परिचारिका – हां ! तुम तै बुलायुं च।
मिसेज गैरोला डाक्टर क कैबिन म जांदी।
डाक्टर – भितर आवो अर बैठ जाओ
मिसेजगैरोला डाक्टर क समिण कुर्सी म बैठदी।
डाक्टर – हूं क्या ह्वै ?
मिसेज गैरोला – म्यार खुट बुरी हालात। डा अन मोर ग्यों।
डाक्टर – पछ्याण म आयी ? पछ्याण म आयी
मिसेज गैरोला – क्या ?
डाक्टर – ओहो तुम तैं चिंता करणै क्या आवश्यकता मि पछ्याण ग्यों। पछ्याण ग्यों।
मिसेज गैरोला – ह्यां पर क्या ?
डाक्टर – चुप नि रै सकदी। मि तुमर कजे नि छौं। हाँ पछ्याणम आयी गे। कुछ ना बस खरोच लग गे।
मिसेज गैरोला – खरोच ! हाँ हां।
डाक्टर – हाँ पछ्याणम आयी गे।
मिसेज गैरोला – क्या करण ?
डाक्टर – कुछ ना पपड़ी जमणै जग्वाळ।
मिसेज गैरोला – तब तक डा ?
डाक्टर – जु बूतो स्यु लौवो।
मिसेज गैरोला – जी ?
डाक्टर – मि एक दवाई लिखणु छौं। सुबेर स्याम खायी लेन।
मिसेज गैरोला – मि जौं ?
डाक्टर – हाँ डिनर मंगाऊं क्या ?
मिसेज गैरोला जांद जांद – डाक्टर साब कुछ मयळ नि ह्वे सकदा क्या ? इथगा करुड़ , गरगरु ठीक ना।
डाक्टर – मयळ रौला तो कु मानल कि हम उच्च कोटि का मानव छां। गरगरु मने बड़ मनिख !
–
सर्वाधिकार @ २०२२
