प्राणरक्षक वैद क लक्षण व गुण 

  अनुवाद भाग –  २६१ 

–

      !!!  म्यार गुरु  श्री व बडाश्री  स्व बलदेव प्रसाद कुकरेती तैं  समर्पित !!! 

वैद्यूं लक्षण –

हे अग्निवेश ! वैद्य द्वी प्रकारा हूंदन।  एक प्रकारा ‘ प्राणामिसर ‘अर्थात प्राण लाण वळ अर रोग दूर करण वळ।  दुसर रोगमिसार’ अर्थात रोग लाण वळ या प्राण नाश करण वळ।  अग्निवेशन भगवान आत्रेय से बोलि – हम यूं  वैद्यूं  तैं कै कै लक्षणों से कन जाण सकदां ?

भगवान आत्रेयन बोलि – जु कुलीन कुल म पैदा हुयां होवन जौंकि बुद्धि व शास्त्र ज्ञान निर्मल होव , जौंन क्रिया कर्म दिख्युं होवो , जु अनुभवी , चतुर , सदाचारी , अभ्यस्त हथ वळ , जितेन्द्रिय , सर्व सामग्री से सम्पन , आँख , कंदूड़ सब इद्रिय से युक्त , जु शरीरे,   नीरोगस्थिति तैं बलि भाँती से समजण वळ , उत्तम सूझ वळ , परिणाम तै भली प्रकार से जणन वळ हो  , स्यु वैद्य प्राणरक्षक व रोग नाशक हूंदन।  ये प्रकारा वैद शरीर क सम्पूर्ण ज्ञान से वीर्य और शोणित क संयोग से शरीर कन बणद यांको ज्ञान , शारीरस्थान म बतयां संक्यशास्त्र अनुसार प्रकृति विकृति क ज्ञान बिन संदेह बिंगद ह्वावो , सुख साध्य , कष्ट साध्य , याप्य या असाध्य चार परकारा रोगुं कारण , पूर्व रूप लक्षण , वेदना , अनुकूल , आहार -बिहार भली भाँती जणद  होवन, सम्पूर्ण आयुर्वेद का सूत्र रूप बि विविध सूत्र हेतु , लिंग , अर औषध क ज्ञान ह्वावो वै तैं ; सामान्य व विशेष रूप से यूंक संक्षेप व विस्तार तैं अर तीन प्रकारा औषध , देवभ्यपाभय , अर युक्तिव्यपाश्रय , सत्वावजय समूह तैं जणन वळ , १६ प्रकारै मूलनि औषधियूंकि , १९ प्रकारै फलवर्ग औषधि चार प्रकारै स्नेह , पांच प्रकारै लूण , (नमक ) , आठ प्रकारै मूत , आठ प्रकारा दूध , ६ प्रकारौ क्षीरी वृक्षों तै , शिरोविरोचनादि पंचकर्म औषध समूह तैं , २८ प्रकारै युवागुओं , ३२ प्रकारै चूर्ण , ६०० विरेचन , ५०० कषाय , मनिखों प्रकृति स्वस्थ रावो कुण  भोजन  -पान क नियम , स्थान , चलण -फिरण , सीण , बैठण , मात्रा , द्रव्य , अंजन , धूम्रपान , नस्य , स्नान , वेगुं  नि रुकण , व्यायाम , तात्म्य , इन्द्रिय परीक्षा उपक्रम , यूंक  नियम क जणगरु , चिकित्सा क चरि पाद अर सोळा अंगु संदेहरहित , तीन प्रकारा वासना , वायुक गुण -दोष म संदेह रहित , चार प्रकारा स्नेह , स्नेहक २४ परकारा विचारण म चतुर।  रस भेद ६४ प्रकारक योजना करण वळ , भौत प्रकारा स्नेहन , स्वेदन , वमन , विरेचन , औषधियों क भली प्रकार से प्रयोग करण म कुशल , शिरोरोग आदि रोग , वातादि रोगों अधिकता या हीनता ,  से जनित रोग  पिड़का , तीन प्रकारै विद्रधि , शोथजन्य नाना प्रकारा रोग तै , रोगुं ४८ प्रकरण , १४० प्रकारा वात पित्त , कफ , रोगों निन्दित अतिषठूल अतिकृष पुरुषों हेतु , लक्षण , चिकित्सा क , हितकर  , अहितकर निद्रा तैं , निद्रा या अतिनिद्रा क कारण व चिकित्सा तैं  ,लंघनादि ६ प्रकारै चिकत्सा तैं , संतर्पण अपतर्पण से हूण वळ रोग , यूंक चिकत्सा तै जाणो , रक्तजन्य रोग , मद , मूर्छा अर सन्यास का कारण , लक्षण अर  चिकित्सा  म कुशल , ाहरविधि म कुशल , स्वभावतः पथ्यापथ्य आहार से हूण वळ परिवर्तन , ८४ प्रकारा आसव , रस अनुरसात्मक फरवी गुण निश्चय ,विकल्प म कुशल , अन्नपान क १२ वर्ग , गुण , प्रभाव , अन्नपानादि से रसादि धातुओं की उत्तपति कन हूंदी , , पथ्यापथ्य , , आहार का हितकारी फल ,  वातादि दोष क प्रकुपित हूण जनित रोग अर ऊंकी  चिकित्सा  ,  प्राणायतनों क दस स्थान , यूं सब विषयुं म अर अगवाड़ी अध्याय म जू  बि  बुलला , यूं सब म निपुण , आयुर्वेद क उद्देश्य , लक्षण क जणगरु  ह्वावो ,  आयुर्वेद तैं ग्रहण करण , ग्रहण कर्यां  तैं धारण करण अर अर्थ समजण म , प्रयोग , चिकित्सा प्रयोग , भौं भौं प्रकार से चिकित्सा करण , कार्य धातु तै समान करण , काल , क्रिया , कर्ता , भिषक , करण , औषध म कुशल , अर स्मरण शक्ति , बुद्धि , शास्त्रयोजना अर  तर्क म समर्थ , शील स्वाभाव , गुनी ,सब प्राणियों प्रति  माँ पिता भाई आदि  क तरां म सामान रूप से मैत्री भाव रखद,   स्नेह क भाव रखद , हे अग्निवेश जु  ये परकारै वैद हूंदन ऊ प्राणाभिसर  या प्राण रक्षक हूंदन।  ५ -७।

*संवैधानिक चेतावनी : चरक संहिता पौढ़ी  थैला छाप वैद्य नि बणिन , अधिकृत वैद्य कु परामर्श अवश्य लीण

संदर्भ: कविराज अत्रिदेवजी गुप्त , भार्गव पुस्तकालय बनारस ,पृष्ठ   — ३८७ -३८८ 

सर्वाधिकार@ भीष्म कुकरेती (जसपुर गढ़वाल ) 2022