admin 
प्रेरक वैज्ञानिक जीवन व वैज्ञानिक शोध कहानियां श्रृंखला
300 से बिंडी गढ़वळि कथा रचयिता : भीष्म कुकरेती (MSc (Botany )
डाक्टर राजा रमन्ना भरतौ परमाणु विस्फोट संचालकों मध्य एक मूर्धन्य वैज्ञानिक व प्रशासक छा।
राजा रमन्ना कु जन्म 28 जनवरी 1925 कुण तुमकुर जनपद , कर्नाटक म ह्वे छौ। मैसूर क डॉलबॉय स्कुल अर गुड शेफर्ड कॉन्वेंट स्कुल बिटेन राजा रमन्ना क प्रारम्भिक शिक्षा ह्वे। संगीत म रूचि छे तो पियानो सीख।
1945 म मद्रास वि वि ० से भौतिकी म बीएससी डिग्री अर्जित कार। बॉम्बे यूनिवर्सिटी से स्नाकोत्तर परीक्षा पास कार। टाटा छात्रवृति पर राजा रमन्ना न लंदन म किंग्स कॉलेज से परमुनु भौतिकी से पीएचडी डिग्री अर्जित कार।
1949 म डाक्टर रमन्ना डाक्टर होमी भाभा क अंतर्गत टाटा फंडामेंटल रिसर्च संस्थान म शामिल ह्वेन।
1952 म ट्रोब म भारत परमाणु कार्यक्रम (बाद म BARC ) म शामिल ह्वेन। 1957 म भारत न पैलो अनुशंधान परमाणु रिएक्टर चालु कार तो डाक्टर रमन्ना तब यीं प्रायोजना को भाग छा। डाक्टर रमन्ना न्यूट्रॉन उत्सृजन अर परमाणु वखंडन पर काम करणा छा।
1966 म डाक्टर भाभा म मृत्यु पश्चात डाक्टर रमन्ना कुशल नेतृत्व म परमाणु कार्यक्रम निरंतर चलदो गे अर भारत परमाणु आयुध विकास म अग्रसर हूंद गे ।
1966 म इंदिरा गांधी न परमाणु बम्ब निर्माण दिशा म 75 वैज्ञानिकों की एक ग्रुप बनाई तो डाक्टर रमन्ना ही ग्रुप का नेता छा। बम्ब हेतु यूरेनियम क स्थान पर प्लटेनियम पर कार्य शुरू ह्वे।
18 मई 1974 कुण भारत न प्रथम परमाणु विस्फोट कार तो डाक्टर रमन्ना अग्रणी कर्णधारों म छा।
1977 उपरान्त डाक्टर रमन्ना क कार्य म निरंतरता कम उखाड़ पछाड़ बिंडी ह्वे। करां केंद्र म सरकार बदलेंद गेन। कई संस्थानों म उच्च पद पर रैन।
वी पी सिंह राज म डाक्टर रमन्ना रक्षा राज्य मंत्री रैन अर 1997 से 2003 तक राज्य सभा सदस्य रैन।
जीवन क बाद म वो परमाणु आयुध क विरोध म आंदोलन करदा दिखेन।
प्रुस्कार
पद्म श्री 1968
पद्म भूषण 1973
पद्म विभूषण 1975
सम्मान
भौत सा संस्थानों द्वारा सम्मान
डाक्टर राजा रमन्ना को वैकुंठवास 24 सितंबर 2004 म ह्वे। मृत्युपर डाक्टर ए पी जी अब्दुल कलाम न अपर व्यक्ति गत हानि बताई।
