चू डौंग-तु अर राजकुमारी तिएन डुंग की कथा 

चू  डौंग तु  तैं संत अर  ताओवाद क अम्र दिबतौं  मदे मने जांद।  चू डौंग अर  राजकुमारी तिएन डुंग (टीएन ) की कथा पुरणी कथाओं  मदे एक कथा च।

    राजकुमारी राजा हंग वुआंग  की  तिसरी बेटी छे।  राजकुमारी तिएन बिगरैली बांद छे किन्तु यात्रा म रूचि कारण  वीन ब्यौवक सब प्रस्ताव नकार देन।  वा राजा क लाड प्यारी छे।

    हंग येन  प्रांत क एक मछली पकडण वळ छुट  सि गाँव म चू कु  वान अर  वैक बेटा चू डौंग-तु न आग  से  सब कुछ नष्ट ह्वे   गेन।    . तौम केवल एक लंगोटी बचीं छे।  सि  बारी बारी से द्वी पैरदा छा।  मृत्युशया पर बुबा न ब्वाल कि लंगोटी अफुम रण दे।  किन्तु संस्कृति अनुसार शववस्त्र क संग ही शव तैं खडयारे  जांद  छौ।  वैन  उधार क वस्त्रों म दाह संस्कार कार।

       डौंग रात अंध्यर म माछ पकड़दु  छौ अर जखम  कमर तक पाणी हो उखम पाणि पुटुक खड़  ह्वेक माछ बिचद छौ।

  एक दिन राजकुमारी तिएन -डुंग  नयाणो  आयी अर चू  डौंग  झाड़ियों पैथर लुक गे अर तख  तैन  एक खड्डा खोद अर केवल नाक भैर रखि खड्डा पुटुक बैठ  गे। राजकुमारी न नयाण  शुरू कार अर तै पाणी से खड्डा क बळु बौगी गे।  चू डौंग  नंगी छौ।  चू डौंग न बताई कि वो इथगा  निर्धन  च कि  वैम लंगोट बि  नी च।  राजकुमारी न झुल्ला  पैर अर एक झुल्ला चू  डौंग तै दे।  राजकुमारी न यीं  घटना तै क्वी संकेत मानि  वीं रात चू डौंग क दगड़  ब्यौ कौर दे।

    राजा भौत रुस्याई अर  वैन  वीं  तै राजकुमारी पद से अलग कर  दे।

    राजकुमारी न अपर सरा व्यक्तिगत सम्पति बेच अर एक व्यापारिक भंडार बणैक व्यापार करण लग गे।  व समृद्ध ह्वे गे।

    एक दिन एक विदेशी व्यापारी आयी अर  वैन विदेशी दुर्लभ वस्तु लैक  बिचणो  सम्मति  दे।  तिएन डुंग न चू डौंग  तैं भैर भिजणो  निर्णय ले किन्तु चू डौंग भैर छौ यात्रा म।  यात्रा म चू  डौंग  तेन एक ताओवादी ऋषि मील।  चू डौंग  ताओवाद सिखणो एक वर्ष तक तकी  रुक।  जब वो ऋषि से आज्ञा लेक घर आणु छौ तो ऋषि न एक यात्रा करणो  लाठ  व एक शंकुआकर टोपी दे।  अर अनुदेश दे कि यी द्वी वस्तु प्रत्येक समय अफुम ही रखण।

   घर आयी अर  द्वी झण ताओवाद की शिक्षा बताई।  वूं  दुयुं न सम्पति बेच दे अर  घुमन्तु बण गेन।

    एक दिन  द्वीथकीक  भूमि म  सिंया छा  ,  लाठ  भूमि म गड्यूं छौ अर चपला लाठ म मथि छौ।  जब द्वी  बिजेन तो समिण  महल सहित एक साम्राज्य छौ।  सबि नागरिकों न तौं  तै  राज्य चलाणो  आमंत्रित कार।

        एक नया राज्य की सुचना मिलण से राजा हंग वुआंग तै क्रोध आयी नयो राज्य नष्ट करणों सेना भ्याज,

        चू  डौंग न नागरिकों क अस्त्र-शस्त्र  नि लेन कि  चूंकि दिव्य राज्य च तो जु ह्वाल सि  ह्वाल।  तिएन डुंग न बि पिता विरुद्ध अस्त्र शस्त्र उठाणो  नाही कर दे।

     राजा क सेना  क आण से पैलि इ एक बड़ी आंधी आयी अर राज्य हवा म विलुप्त ह्वे  गे।  सैनिकों तै दिखणो  केवल एक दलदली ताल व समुद्र तट ही रै गे छौ।

 दुयुंक नाम से संत चू डौंग अर  रानी तिएन डंग त्यौहार मनाये जांद।

 या च ताओवादी संत चू डौंग अर  रानी तिएन डंग की कथा।