नव वर्ष म ब्वानन खौड़ नि सोरण 

 वियतनाम म संस्कृति अनुसार लोग नव वर्ष से पैल  अंतिम तीन दिन तक सफाई क उपरान्त ब्वान , गंदगी हटाण वळ  उपकरण तै लुके दीन्दन। जु  बि ब्वान  भूमि पर पड़्युं ब्वान  दीवार पर टिकै  दिए जांद।  लोक नव वर्ष क तीन दिवस तक घर म ब्वान नि लगांदन।  यांक कारण हेतु लोक या कथा बतांदन –

 औ  मिन्ह एक समुद्री व्यापारी छौ। जो मछुवारों क समाज म रौंद  छौ।    जल दिबता  थुये थान न वे व्यापारी तैं एक सेविका   भेंट म दे नाम छौ नहु  नगुएट।  जब बिटेन  औ मिन्ह  तैं नहू ंगुएट मील वैक भाग्य ही चमक गे  अर  वैक व्यापार हजार गुण  बढ़द गे।

  एक दिन टेट  नव वर्ष क पैल दिन औ  मिन्ह  न क्रोध म नहु नगुएट तैं  पीट दे।  नहु नगुएट इथगा भयभीत ह्वे कि वप कुण्या म खौड़ क ढेर पुटुक लुक गे।

तबि औ मिन्ह की पत्नी न (जैं  तैं  नहु नगुएट की उपस्थिति नि  छे पता )  ब्वान न  खौड़ सोरद दैं नहु नगुएट तैं खौड़ दगड़ सोरिक  भैर दूर चूलै दे।  इना औ  मिन्ह की पत्नी न नहु  नागुएट भैर  चुलाइ  तै समय से औ  मिन्ह क दरिद्रता क समय शुरू ह्वे गेन अर दरिद्रता म ही मोर।  वास्तव म नहु नगुएट एक भाग्य को देवी छे ।  जैकि अवहेलना से औ मिन्ह  दरिद्र से दरिद्र ह्वे।

    यी  कारण  च वियतनाम म नव वर्ष क तीन  दिन  पैल  बिटेन  ब्वान न खौड़ नि  सोरदन अर यूं  दिनों ब्वान आदि लुकै  दिए जांदन।