admin 
चबोड्या , चखन्योर्या , हँसोड्या – भीष्म कुकरेती
ब्याळि स्याम दैं राजयसभा म गृह मंत्री अमित शाह जी डुकरतळी मरणा छा तो उना उच्च धनी क्लब म भारतौ धनी से धनी व्यक्ति छुंयुँ म व्यस्त छा . दगड़ म मंहगी से मंहगी सुरा क सिप बि चलणी छे।
असानी – मि तो यीं मर्स्डीज से अति खिन्न ह्वे ग्यों .
कमानी – कनो क्या होइ ?
असानी – मीन द्वी वर्ष पैल अपर सीईओ कुण मर्स्डीज की स्कीम डिक्लियर कौर छे।
कमानी – कनो क्वी बि सीईओ डॉन लोगों फोनो भय से मर्सडीज लीणो नी च ?
असानी – ना ना प्रत्येक मर्स्डीज कार लैक च अर प्रत्येक तैं चएणी ह।
कमानी – तो दे द्यावो।
असानी – मंहगाई की मार तो द्याखौ . द्वी वर्ष म मर्स्डीज म फिफ्टीन परसेंट की वृद्धि ह्वे गे। टाइर्ड ऑफ दिस इन्फ्लेसन नॉट ओनली इन यूरोप बट इन इण्डिया टू।
भूटानी – मी बि मंहगाई से अति खिन्न छौं।
निखाणी – कनो क्या ह्वै ?
भूटानी – तुम तै तो ज्ञान च हम तै अपर बिजिनेस चलाणो प्रति दिन सरकारी कर्मचारियों तैं शराब पार्टी दीण पोड़द।
महतानी – तो ?
भूटानी – अरे शराब भारत म पोर वर्ष क तुलना म तीस प्रतिशत मूल्यवान ह्वे गे अर सरकारी ठेकों म लाभ प्रतिशत उथगा नी।
बिजलानी – हाँ ब्रो ! यो तो सत्य च। महाराष्ट्र म सब पार्टी अब दुगणा चंदा मंगणा छन किन्तु ठेकों क रेट कम करणा छन।
पटेल – अरे मंहगाई का नि पूछो। हमर प्रत्येक कम्पनी म ट्रैवेलिंग बजट बीस प्रतिशत बढ़ गे अर प्रॉफिट उथगा नी बढ़णु च।
बिरला – सरकार तैं कुछ तो समाधान लाण पोड़ल। वी बिजिनेस टाइकोन्स कांट सफर दिस मच इनफ्लेसन।
मुरगन – यस इथगा मंहगाई ? म्यार बच्चा यूएस म हहं। अब तीन गुण पैसा मंगणा छन। दिस इज टू मच।
चेटियार – टू मच। पोलिटिकल पार्टीज तो बुलणा छा बल अब तिगुणा चंदा दीण पोड़ल।
डेम्पो – यार मेरी वाइफ तो प्रतिदिन तंग करणी रौंद कि इम्पोर्टेड परफ्यूम, इम्पोर्टेड मेक अप आइटम्स रोज का रोज मंहगा हूणा छन। कन ऐडजस्ट करण इथगा मार्जिन म ?
बिजिनेस फेडरेसन सेक्रेटरी – चिंता नि कारो। फिनेन्स मिनिस्टर से डील ह्वे गे। तुम सब अपर ग्राहक रेटयाने एमआरपी पंद्रह प्रतिशत बढ़ै द्याओ आज। किन्तु बजट का चार दिन उपरान्त तीन प्रतिशत कम करण जां से फिनेन्स मिनिस्टर संसद म बयान दे द्याओ कि बजट से इनफ्लेसन कम हूणु च।
सब – ब्वा व्हट ये प्रोग्रेसिव गोबरमेंट !
बियाणी – व्हट ! गोबरमेंट ?
जिनेस फेडरेसन सेक्रेटरी – – फॉरगेट स्पेलिंग। अर बजट म कॉर्पोरेट टैक्स बि कम करे जालो।
सब – ब्वा ! प्रसन्नता ही प्रसन्नता। चलो दु दु पैग हौर पिए जाय।
