लाओ क्वान : तीन वियतनामी रसोई दिबता 

  इन मने जांद  बल वियतनामी  रुस्वड़ म तीन  लोक दिबता उपस्थित रौंदन।

  यी तिनि वियतनामी रुस्वड़  क  प्रबंधन करदन।  एक लोक कथा म यूं तिनि  पात्रों क कथा मिलदी।

या कथा ऊं कथा म मदे एक कथा च

एक ट्रॉंग  काओ नाम को लकड़हारा छौ तेक  पत्नी छे।  बिचारो लकड़हारा भौत इ  निर्धन छौ।  निर्धनता न तै लकड़हारा न निराश ह्वेक शराब पीण शुरू कर दे अर दगड़ म बुरु ब्यवहार बि  करण  मिसे गेन।  वैक ब्यवहार इथगा बुरु छौ कि तैन  अपर कज्याण    थी न्ही  तैं पिटण  शुरू कर दे।  पति क नखुर अर असहय ब्यवहार से दुखी ह्वेक  सया जर्जर झुपड़ी छोड़ि बौण  जिना चल गे।

     बौण  म इना उना  डबखण म वा भूक अर  चोटों से समस्याग्रस्त ह्वे गे।  भूक से समस्यायुक्त , लचकदि लचकदी  वा एक अयेड़ीबाज (शिकारी)  फाम लैंग  क काठक कूड़ म गे।  अयेड़ी बाज ( शिकारी दयावान व्यक्ति छौ।  तैन तैं तै रौणो स्थान व भोजन दे।  कुछ दिन उपरान्त दुयुं न इच्छा से ब्यौ कर दे।  द्वी प्रसन्न छा।

  एक दिन अयेड़ीबाज (शिकारी )  अयेड़ी खिलणो  दूर जयुं छौ।  वा इखुलि  घरम छे।  इथगा म एक भिकारी आयी अर द्वार झकोळि  रौणौ  स्थान मांग।

 भिखारी कुण  भोजन पकांद  दैं  वीं तैं  अनुभव ह्वे कि यु उपरी मनिख वींक  भूतपूर्व पति च।   इथगा म वींक भूतपूर्व पति क ध्वनि आयी कि वु  ऐ गे।