रुस्वळ क बड़ माछ 

   एक दिन  ‘तू सन तु’  को रुस्वळ  अपर स्वामी कुण  माछ पकाणो  बान   माछ लाणो  बजार गे।

    बाटम  खड़ाखड़ी  जुवारी छा।  लालच म एक रुस्वळ न रुप्या रानी पट्टी पर लगाई अर माछौं  कुण जु  रुप्या छा सि सब खड़ाखड़ी जुवा म हार गे।

   भय से रुस्वळ क पूठ  तक कंपणा  छा कि स्वामीन वै तै सेवा से निवृत कर दीण।  रुस्वळ अपर स्वामी तै या कथा सुणायी।

    ” स्वामी ! मि मच्छी बजार ग्यों अर  तख मीन एक दुकानिम बड़ी मांशिल,  तगड़ो व आकर्षक   माछ  द्याख। जिज्ञासावस मीन तै स्वस्थ मांसिल माछ क मूल्य पूछ।  म्यार तो आश्चर्य से आँख इ  भैर ऐ गेन जब मीन दुकानदार न माछ क मूल्य बताई। इथगा हीन  मूल्य छौ तै म्वाटो  माछक।   मि जु रुप्या हाट लीग छौ तथगा म स्यु बड़ो , स्वस्थ , मान्सिल माछ  मुल्ये अर  घर ओर आण  लग ग्यों।

   आंद  दैं बाटम मीन चितायी कि माछक गलफड़ा ऐंठणा छन जन  बुल्यां माछ मरणो हो।  मि  भयभीत ह्वे गौं।  मीन बाट म एक बुड्या पूछ कि क्या ह्वे होलु. ? बुड्यान बोलि कि जल बिन मछली छटफटाणि च।  बुड्यान झट से पाणि म डाळणो राय दे।  मीन माछ नाळा म डाळ दे।  तख भौत समय तक माछ तन्या क तनि  राई।  मीन पुनः माछ हथ पर राख अर  दिखण  लग ग्यों कि  क्या ह्वे होलु।  इथगा माँ माछ जोर से उछंड   अर दूर नाळा म गिर व बौगी गे।

   मि तै अपर मूर्खता पर भौत लज्जा आयी।  पर लज्जा से माछ बौड़ी थुका आंदन।

 रुस्वळ कथा  सुणी  तू सन तु न  माछक चतुरता पर प्रसन्न ह्वेक ब्वाल , ” स्या  सही छे , तेंक फळांग  सही छे , सही छे। “

   इथगा हूण पर तो रुस्वळन पुळ्याणी  छौ तो रुस्वळ  अपर दगड्योन म बुलणु छौ ,”  लोक बुल्दन  बल म्यार स्वामी नगर को सबसे बड़ो चतुर मनिख च।  किन्तु मेरी कथा से मूर्ख बण  गे “

तभी तो मेन्सियस दार्शनिक क बोल सही छन , ” एक प्रशंसनीय झूठ कन कन चतुर मनिख  तैं  मूर्ख बण ै दींदो।