एक बड़ो जिमदार मौक चार भैंस छा

एक दिन की छ्वीं छन।  मूसाक  द्वी  बच्चा खिल्दा खिल्दा कठबड़ पुटुक  चल गेन।  तख जिज्ञासा बस   दुयुंन  दै (दही ) भर्यूँ  डखुळ पुटुक कुद्दी मार दे।   भैर त  नि  ऐ सकिन  किन्तु द्वी तैरण लग गेन।  एक न कुछ देर बाद  हार मान, डर गे  अर  हथ  खुट  चलाण बंद कर  दे अर  दही पुटुक  तौळ  चल गे अर तखि  मोर गे।  हैंको  जिकुड़ी क  बड़ो बलवान छौ।   तैन  तैरण बंद नि कार अर हथ खुट  चलाणो इ राइ।  तैक  हथ खुट  चलणन दही छुळेंद  गे , छुळेंद  गे  अर  एक समौ  इन  आई  कि  छांछ तौळ अर  नौणी अळग  ऐ गे।  दहि लतलती छे किन्तु नौणी सुडौल छे तो मुस्क बच्चा नौणी म बैठ अर कुछ देर उपरान्त तै धैर्यशाली , निडर वीर बच्चा  डखुळ से  कुदिक  भैर ऐ  गे।

 निडर  थोड़ा  सि अवरोध म डर  जान्दो जबकि वीर रस्ता खोजिक पार लग जांद।