१०० वर्ष जीवित रौणो उपाय 

  अनुवाद भाग –  २४९

–

      !!!  म्यार गुरु  श्री व बडाश्री  स्व बलदेव प्रसाद कुकरेती तैं  समर्पित !!! 

मनिख तैं  चयेंद कि मात्रा , काल क विचार कौरि हितकारी खान पान रूपी समिधाओं से  अंतराग्नि म  नित्य संयमित हवन करण  चयेंद।  जु आहिताग्नि हवन करण वळ नित्य प्रति द्वी समय अंतराग्नि म हितकारी हितकारी हवन की आहुति  देकि  ब्रह्म क जाप करदो अर  यथाशक्ति दान करदो स्यु सामन्य खान पान क ग्यानी हूंद।  इन पुण्यवान तै बिन कारणो रोग नई हूंद।  इनि संचित धर्म क प्रभाव से जन्मांतर म बि रोग नि हूंद।  हितकर आहार करण वळ  व्यक्ति ३६००० रात्रि (१०० वर्ष) तक  निरोग , जितेन्द्रिय , सजनों से पुषिट ह्वे जीवित रौंद।  ३४३ -३४६।

अन्न सब प्राणियों प्राण च।   सरा संसार ये अन्न की याचना करदो।  अन्न म इ वर्ण ,शरीर की   प्रसन्नता , सुस्वरता , जीवन , प्रतिभा , सुख , तुष्टि हर्ष , पोषण , बल , मेधा , यी सब स्थिर छन।  सांसारिक कर्म व स्वर्ग प्राप्ति हेतु यज्ञादि वैदिक यज्ञ तप आदि कर्म छन यी सब अन्न म प्रतिष्ठित छन।  ३४७-३४८।

ये अन्नपान अध्याय म अन्नपान क गुण बारे बर्गों म बुले गेन।  अनुपान का गुण गुरु व लघु  विषय क निरूपण करे गे।  यिं  विधि पर विचार कौरि प्रयोग करण चयेंद।  ३४९-३५०।

अब २७ वां अध्याय समाप्त ह्वे। . २७।

*संवैधानिक चेतावनी : चरक संहिता पौढ़ी  थैला छाप वैद्य नि बणिन , अधिकृत वैद्य कु परामर्श अवश्य लीण

संदर्भ: कविराज अत्रिदेवजी गुप्त , भार्गव पुस्तकालय बनारस ,पृष्ठ   ३७३ -३७५

सर्वाधिकार@ भीष्म कुकरेती (जसपुर गढ़वाल ) 2022 –